פסוקים על Journey of Israel Through The Desert: Seventy elders appointed to assist Moses

ויצא משה וידבר אל העם את דברי יהוה ויאסף שבעים איש מזקני העם ויעמד אתם סביבת האהל׃

וירד יהוה בענן וידבר אליו ויאצל מן הרוח אשר עליו ויתן על שבעים איש הזקנים ויהי כנוח עליהם הרוח ויתנבאו ולא יספו׃

וישארו שני אנשים במחנה שם האחד אלדד ושם השני מידד ותנח עליהם הרוח והמה בכתבים ולא יצאו האהלה ויתנבאו במחנה׃

וירץ הנער ויגד למשה ויאמר אלדד ומידד מתנבאים במחנה׃

ויען יהושע בן נון משרת משה מבחריו ויאמר אדני משה כלאם׃

ויאמר לו משה המקנא אתה לי ומי יתן כל עם יהוה נביאים כי יתן יהוה את רוחו עליהם׃

ויאסף משה אל המחנה הוא וזקני ישראל׃