פסוקים על Humility

90 פסוקים · 43 היבטים

פסוקי מפתח

סינון לפי ספר
  1. 2 שְׁמוּאֵל ז׳:י״ח

    ויבא המלך דוד וישב לפני יהוה ויאמר מי אנכי אדני יהוה ומי ביתי כי הביאתני עד הלם׃

  2. 2 שְׁמוּאֵל ז׳:י״ט

    ותקטן עוד זאת בעיניך אדני יהוה ותדבר גם אל בית עבדך למרחוק וזאת תורת האדם אדני יהוה׃

  3. אִיּוֹב ז׳:י״ז

    מה אנוש כי תגדלנו וכי תשית אליו לבך׃

  4. אִיּוֹב ז׳:י״ח

    ותפקדנו לבקרים לרגעים תבחננו׃

  5. אִיּוֹב ט׳:י״ד

    אף כי אנכי אעננו אבחרה דברי עמו׃

  6. אִיּוֹב ט׳:ט״ו

    אשר אם צדקתי לא אענה למשפטי אתחנן׃

  7. אִיּוֹב כ״ה:ה׳

    הן עד ירח ולא יאהיל וכוכבים לא זכו בעיניו׃

  8. אִיּוֹב כ״ה:ו׳

    אף כי אנוש רמה ובן אדם תולעה׃

  9. אִיּוֹב מ׳:ד׳

    הן קלתי מה אשיבך ידי שמתי למו פי׃

  10. אִיּוֹב מ׳:ה׳

    אחת דברתי ולא אענה ושתים ולא אוסיף׃

  11. אִיּוֹב מ״ב:ד׳

    שמע נא ואנכי אדבר אשאלך והודיעני׃

  12. אִיּוֹב מ״ב:ה׳

    לשמע אזן שמעתיך ועתה עיני ראתך׃

  13. אִיּוֹב מ״ב:ו׳

    על כן אמאס ונחמתי על עפר ואפר׃

  14. תְהִלִּים ח׳:ג׳

    כי אראה שמיך מעשי אצבעתיך ירח וכוכבים אשר כוננתה׃

  15. תְהִלִּים ח׳:ד׳

    מה אנוש כי תזכרנו ובן אדם כי תפקדנו׃

  16. תְהִלִּים קל״א:א׳

    ¶ שיר המעלות לדוד יהוה לא גבה לבי ולא רמו עיני ולא הלכתי בגדלות ובנפלאות ממני׃

  17. תְהִלִּים קל״א:ב׳

    אם לא שויתי ודוממתי נפשי כגמל עלי אמו כגמל עלי נפשי׃

  18. תְהִלִּים קמ״ד:ג׳

    יהוה מה אדם ותדעהו בן אנוש ותחשבהו׃

  19. תְהִלִּים קמ״ד:ד׳

    אדם להבל דמה ימיו כצל עובר׃

  20. מִשְׁלֵי כ״ה:ו׳

    אל תתהדר לפני מלך ובמקום גדלים אל תעמד׃

  21. מִשְׁלֵי כ״ה:ז׳

    כי טוב אמר לך עלה הנה מהשפילך לפני נדיב אשר ראו עיניך׃

  22. מִשְׁלֵי ל׳:ב׳

    כי בער אנכי מאיש ולא בינת אדם לי׃

  23. מִשְׁלֵי ל׳:ג׳

    ולא למדתי חכמה ודעת קדשים אדע׃

  24. יִרְמְיָהוּ י׳:כ״ג

    ידעתי יהוה כי לא לאדם דרכו לא לאיש הלך והכין את צעדו׃

  25. יִרְמְיָהוּ י׳:כ״ד

    יסרני יהוה אך במשפט אל באפך פן תמעטני׃