פסוקים על Courts of Justice

ויקם שדה עפרון אשר במכפלה אשר לפני ממרא השדה והמערה אשר בו וכל העץ אשר בשדה אשר בכל גבלו סביב׃

לאברהם למקנה לעיני בני חת בכל באי שער עירו׃

ואחרי כן קבר אברהם את שרה אשתו אל מערת שדה המכפלה על פני ממרא הוא חברון בארץ כנען׃

ויקם השדה והמערה אשר בו לאברהם לאחזת קבר מאת בני חת׃

ויהי ממחרת וישב משה לשפט את העם ויעמד העם על משה מן הבקר עד הערב׃

וירא חתן משה את כל אשר הוא עשה לעם ויאמר מה הדבר הזה אשר אתה עשה לעם מדוע אתה יושב לבדך וכל העם נצב עליך מן בקר עד ערב׃

ויאמר משה לחתנו כי יבא אלי העם לדרש אלהים׃

כי יהיה להם דבר בא אלי ושפטתי בין איש ובין רעהו והודעתי את חקי האלהים ואת תורתיו׃

ויאמר חתן משה אליו לא טוב הדבר אשר אתה עשה׃

נבל תבל גם אתה גם העם הזה אשר עמך כי כבד ממך הדבר לא תוכל עשהו לבדך׃

עתה שמע בקלי איעצך ויהי אלהים עמך היה אתה לעם מול האלהים והבאת אתה את הדברים אל האלהים׃

והזהרתה אתהם את החקים ואת התורת והודעת להם את הדרך ילכו בה ואת המעשה אשר יעשון׃

ויצא משה וידבר אל העם את דברי יהוה ויאסף שבעים איש מזקני העם ויעמד אתם סביבת האהל׃

וירד יהוה בענן וידבר אליו ויאצל מן הרוח אשר עליו ויתן על שבעים איש הזקנים ויהי כנוח עליהם הרוח ויתנבאו ולא יספו׃

וישארו שני אנשים במחנה שם האחד אלדד ושם השני מידד ותנח עליהם הרוח והמה בכתבים ולא יצאו האהלה ויתנבאו במחנה׃

וירץ הנער ויגד למשה ויאמר אלדד ומידד מתנבאים במחנה׃

ויען יהושע בן נון משרת משה מבחריו ויאמר אדני משה כלאם׃

ויאמר לו משה המקנא אתה לי ומי יתן כל עם יהוה נביאים כי יתן יהוה את רוחו עליהם׃

ויאסף משה אל המחנה הוא וזקני ישראל׃

ואמר אלכם בעת ההוא לאמר לא אוכל לבדי שאת אתכם׃

יהוה אלהיכם הרבה אתכם והנכם היום ככוכבי השמים לרב׃

יהוה אלהי אבותכם יסף עליכם ככם אלף פעמים ויברך אתכם כאשר דבר לכם׃

איכה אשא לבדי טרחכם ומשאכם וריבכם׃

הבו לכם אנשים חכמים ונבנים וידעים לשבטיכם ואשימם בראשיכם׃

ותענו אתי ותאמרו טוב הדבר אשר דברת לעשות׃