פסוקים על Courts of Justice: Judges of, appointed by the governor

ואמר אלכם בעת ההוא לאמר לא אוכל לבדי שאת אתכם׃

יהוה אלהיכם הרבה אתכם והנכם היום ככוכבי השמים לרב׃

יהוה אלהי אבותכם יסף עליכם ככם אלף פעמים ויברך אתכם כאשר דבר לכם׃

איכה אשא לבדי טרחכם ומשאכם וריבכם׃

הבו לכם אנשים חכמים ונבנים וידעים לשבטיכם ואשימם בראשיכם׃

ותענו אתי ותאמרו טוב הדבר אשר דברת לעשות׃

ואקח את ראשי שבטיכם אנשים חכמים וידעים ואתן אתם ראשים עליכם שרי אלפים ושרי מאות ושרי חמשים ושרי עשרת ושטרים לשבטיכם׃