פסוקים על Book: Eating of

15 פסוקים · 16 היבטים

פסוקים על Eating of

יְחֶזְקֵאל ב׳:ח׳
ואתה בן אדם שמע את אשר אני מדבר אליך אל תהי מרי כבית המרי פצה פיך ואכל את אשר אני נתן אליך׃
יְחֶזְקֵאל ב׳:ט׳
ואראה והנה יד שלוחה אלי והנה בו מגלת ספר׃
יְחֶזְקֵאל ב׳:י׳
ויפרש אותה לפני והיא כתובה פנים ואחור וכתוב אליה קנים והגה והי׃
יְחֶזְקֵאל ג׳:א׳
¶ ויאמר אלי בן אדם את אשר תמצא אכול אכול את המגלה הזאת ולך דבר אל בית ישראל׃
יְחֶזְקֵאל ג׳:ב׳
ואפתח את פי ויאכלני את המגלה הזאת׃
יְחֶזְקֵאל ג׳:ג׳
ויאמר אלי בן אדם בטנך תאכל ומעיך תמלא את המגלה הזאת אשר אני נתן אליך ואכלה ותהי בפי כדבש למתוק׃
חזוֹן יוֹחָנָן י׳:ב׳
ובידו ספר קטן פתוח וישם את רגל ימינו על הים ואת שמאלו על הארץ׃
חזוֹן יוֹחָנָן י׳:ג׳
ויקרא בקול גדול כאשר ישאג האריה ובקראו דברו שבעת הרעמים בקולתיהם׃
חזוֹן יוֹחָנָן י׳:ד׳
וכדבר שבעת הרעמים בקולתיהם חפצתי לכתב ואשמע קול מן השמים לאמר חתום את אשר דברו שבעת הרעמים ואל תכתב זאת׃
חזוֹן יוֹחָנָן י׳:ה׳
והמלאך אשר ראיתיו עמד על הים ועל הארץ הרים ידו אל השמים׃
חזוֹן יוֹחָנָן י׳:ו׳
וישבע בחי עולמי העולמים אשר ברא את השמים וכל אשר בהם והארץ וכל אשר בה והים וכל אשר בו כי לא יהיה עוד זמן׃
חזוֹן יוֹחָנָן י׳:ז׳
אך בימי קול המלאך השביעי בעת עמדו לתקוע ונשלם סוד האלהים כאשר בשר את עבדיו הנביאים׃
חזוֹן יוֹחָנָן י׳:ח׳
והקול אשר שמעתי מן השמים שב לדבר אלי לאמר לך וקח את הספר הקטן הפתוח אשר ביד המלאך העמד על הים ועל הארץ׃
חזוֹן יוֹחָנָן י׳:ט׳
ואבא אל המלאך ואמר לו תנה לי את הספר ויאמר אלי קח ואכל אתו וימר לבטנך אבל בפיך יהיה מתוק כדבש׃
חזוֹן יוֹחָנָן י׳:י׳
ואקח את הספר מיד המלאך ואכלהו ויהי בפי כדבש למתוק ואחרי אכלי אתו וימלא בטני מרורים׃