פסוקים על Beasts

אך את זה לא תאכלו ממעלי הגרה וממפריסי הפרסה את הגמל כי מעלה גרה הוא ופרסה איננו מפריס טמא הוא לכם׃

ואת השפן כי מעלה גרה הוא ופרסה לא יפריס טמא הוא לכם׃

ואת הארנבת כי מעלת גרה הוא ופרסה לא הפריסה טמאה הוא לכם׃

ואת החזיר כי מפריס פרסה הוא ושסע שסע פרסה והוא גרה לא יגר טמא הוא לכם׃

מבשרם לא תאכלו ובנבלתם לא תגעו טמאים הם לכם׃

ותרא האתון את מלאך יהוה ותרבץ תחת בלעם ויחר אף בלעם ויך את האתון במקל׃

ויפתח יהוה את פי האתון ותאמר לבלעם מה עשיתי לך כי הכיתני זה שלש רגלים׃

ויאמר בלעם לאתון כי התעללת בי לו יש חרב בידי כי עתה הרגתיך׃

ותאמר האתון אל בלעם הלוא אנכי אתנך אשר רכבת עלי מעודך עד היום הזה ההסכן הסכנתי לעשות לך כה ויאמר לא׃

ויגל יהוה את עיני בלעם וירא את מלאך יהוה נצב בדרך וחרבו שלפה בידו ויקד וישתחו לאפיו׃

ויאמר אליו מלאך יהוה על מה הכית את אתנך זה שלוש רגלים הנה אנכי יצאתי לשטן כי ירט הדרך לנגדי׃

מי שלח פרא חפשי ומסרות ערוד מי פתח׃

אשר שמתי ערבה ביתו ומשכנותיו מלחה׃

ישחק להמון קריה תשאות נוגש לא ישמע׃

יתור הרים מרעהו ואחר כל ירוק ידרוש׃

התתן לסוס גבורה התלביש צוארו רעמה׃

התרעישנו כארבה הוד נחרו אימה׃

יחפרו בעמק וישיש בכח יצא לקראת נשק׃

ישחק לפחד ולא יחת ולא ישוב מפני חרב׃

עליו תרנה אשפה להב חנית וכידון׃

ברעש ורגז יגמא ארץ ולא יאמין כי קול שופר׃

בדי שפר יאמר האח ומרחוק יריח מלחמה רעם שרים ותרועה׃

ואדם ביקר בל ילין נמשל כבהמות נדמו׃

זה דרכם כסל למו ואחריהם בפיהם ירצו סלה׃

כצאן לשאול שתו מות ירעם וירדו בם ישרים לבקר וצירם לבלות שאול מזבל לו׃