פסוקים על Atonement

166 פסוקים · 2 היבטים

פסוקי מפתח

סינון לפי ספר
  1. תְהִלִּים מ׳:ו׳

    זבח ומנחה לא חפצת אזנים כרית לי עולה וחטאה לא שאלת׃

  2. תְהִלִּים מ׳:ז׳

    אז אמרתי הנה באתי במגלת ספר כתוב עלי׃

  3. תְהִלִּים מ׳:ח׳

    לעשות רצונך אלהי חפצתי ותורתך בתוך מעי׃

  4. יְשַׁעְיָהוּ נ״ג:ד׳

    אכן חלינו הוא נשא ומכאבינו סבלם ואנחנו חשבנהו נגוע מכה אלהים ומענה׃

  5. יְשַׁעְיָהוּ נ״ג:ה׳

    והוא מחלל מפשענו מדכא מעונתינו מוסר שלומנו עליו ובחברתו נרפא לנו׃

  6. יְשַׁעְיָהוּ נ״ג:ו׳

    כלנו כצאן תעינו איש לדרכו פנינו ויהוה הפגיע בו את עון כלנו׃

  7. יְשַׁעְיָהוּ נ״ג:ז׳

    נגש והוא נענה ולא יפתח פיו כשה לטבח יובל וכרחל לפני גזזיה נאלמה ולא יפתח פיו׃

  8. יְשַׁעְיָהוּ נ״ג:ח׳

    מעצר וממשפט לקח ואת דורו מי ישוחח כי נגזר מארץ חיים מפשע עמי נגע למו׃

  9. יְשַׁעְיָהוּ נ״ג:ט׳

    ויתן את רשעים קברו ואת עשיר במתיו על לא חמס עשה ולא מרמה בפיו׃

  10. יְשַׁעְיָהוּ נ״ג:י׳

    ויהוה חפץ דכאו החלי אם תשים אשם נפשו יראה זרע יאריך ימים וחפץ יהוה בידו יצלח׃

  11. יְשַׁעְיָהוּ נ״ג:י״א

    מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃

  12. יְשַׁעְיָהוּ נ״ג:י״ב

    לכן אחלק לו ברבים ואת עצומים יחלק שלל תחת אשר הערה למות נפשו ואת פשעים נמנה והוא חטא רבים נשא ולפשעים יפגיע׃

  13. דָּנִיֵּאל ט׳:כ״ד

    שבעים שבעים נחתך על עמך ועל עיר קדשך לכלא הפשע ולחתם חטאות ולכפר עון ולהביא צדק עלמים ולחתם חזון ונביא ולמשח קדש קדשים׃

  14. דָּנִיֵּאל ט׳:כ״ה

    ותדע ותשכל מן מצא דבר להשיב ולבנות ירושלם עד משיח נגיד שבעים שבעה ושבעים ששים ושנים תשוב ונבנתה רחוב וחרוץ ובצוק העתים׃

  15. דָּנִיֵּאל ט׳:כ״ו

    ואחרי השבעים ששים ושנים יכרת משיח ואין לו והעיר והקדש ישחית עם נגיד הבא וקצו בשטף ועד קץ מלחמה נחרצת שממות׃

  16. דָּנִיֵּאל ט׳:כ״ז

    והגביר ברית לרבים שבוע אחד וחצי השבוע ישבית זבח ומנחה ועל כנף שקוצים משמם ועד כלה ונחרצה תתך על שמם׃

  17. הבְּשׂוֹרָה הַקְּדוֹשָׁה עַל־פִּי לוּקָס כ״ד:מ״ו

    ויאמר אליהם כן כתוב וכן נגזר אשר יענה המשיח ויקום מן המתים ביום השלישי׃

  18. הבְּשׂוֹרָה הַקְּדוֹשָׁה עַל־פִּי לוּקָס כ״ד:מ״ז

    ואשר תקרא בשמו תשובה וסליחת החטאים בכל הגוים החל מירושלים׃

  19. ג'ון י״א:מ״ט

    ואחד מהם קיפא שמו והוא כהן גדול בשנה ההיא אמר אליהם הן לא תדעו מאומה׃

  20. ג'ון י״א:נ׳

    אף לא תתבוננו כי טוב לנו מות איש אחד בעד הגוי מאבד העם כלו׃

  21. ג'ון י״א:נ״א

    וזאת לא דבר מלבו כי אם בהיותו כהן גדול בשנה ההיא נבא כי ישוע ימות בעד העם׃

  22. מַעֲשֵׂי הַשְּׁלִיחִים י״ז:ב׳

    ופולוס נכנס אליהם כמשפטו ושלש שבתות דבר עמהם בדברי הכתובים׃

  23. מַעֲשֵׂי הַשְּׁלִיחִים י״ז:ג׳

    פתוח והוכח להם כי צריך היה אשר יענה המשיח ויקום מן המתים וכי זה הוא המשיח ישוע אשר אני מגיד לכם׃

  24. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים ג׳:כ״ד

    ונצדקו חנם בחסדו על ידי הפדות אשר היתה במשיח ישוע׃

  25. אִגֶּרֶת פּוֹלוֹס הַשָּׁלִיחַ אֶל־הָרוֹמִיִּים ג׳:כ״ה

    אשר שמו האלהים לפנינו לכפרת על ידי האמונה בדמו להראות את צדקתו אחרי אשר העביר את החטאים שנעשו לפנים בעת חמלת אלהים׃