פסוקים על Afflictions Made Beneficial

כי ידע דרך עמדי בחנני כזהב אצא׃

כי אל אל האמר נשאתי לא אחבל׃

בלעדי אחזה אתה הרני אם עול פעלתי לא אסיף׃

ואם אסורים בזקים ילכדון בחבלי עני׃

ויגד להם פעלם ופשעיהם כי יתגברו׃

חטאתי אודיעך ועוני לא כסיתי אמרתי אודה עלי פשעי ליהוה ואתה נשאת עון חטאתי סלה׃

רבות רעות צדיק ומכלם יצילנו יהוה׃

שמר כל עצמותיו אחת מהנה לא נשברה׃

¶ למנצח לדוד מזמור קוה קויתי יהוה ויט אלי וישמע שועתי׃

כי פשעי אני אדע וחטאתי נגדי תמיד׃

הן בעוון חוללתי ובחטא יחמתני אמי׃

כי בחנתנו אלהים צרפתנו כצרף כסף׃

אם הרגם ודרשוהו ושבו ושחרו אל׃

טרם אענה אני שגג ועתה אמרתך שמרתי׃

טוב לי כי עניתי למען אלמד חקיך׃

מצרף לכסף וכור לזהב ובחן לבות יהוה׃

טוב ללכת אל בית אבל מלכת אל בית משתה באשר הוא סוף כל האדם והחי יתן אל לבו׃

טוב כעס משחק כי ברע פנים ייטב לב׃

ואשיבה ידי עליך ואצרף כבר סיגיך ואסירה כל בדיליך׃

ואשיבה שפטיך כבראשנה ויעציך כבתחלה אחרי כן יקרא לך עיר הצדק קריה נאמנה׃

והיה ביום ההוא לא יוסיף עוד שאר ישראל ופליטת בית יעקב להשען על מכהו ונשען על יהוה קדוש ישראל באמת׃

שאר ישוב שאר יעקב אל אל גבור׃

נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

הנה צרפתיך ולא בכסף בחרתיך בכור עני׃

שבתך בתוך מרמה במרמה מאנו דעת אותי נאם יהוה׃