פסוקים על Aaron

145 פסוקים · 27 היבטים

פסוקי מפתח

סינון לפי ספר
  1. שְׁמֹות ט״ז:ג׳

    ויאמרו אלהם בני ישראל מי יתן מותנו ביד יהוה בארץ מצרים בשבתנו על סיר הבשר באכלנו לחם לשבע כי הוצאתם אתנו אל המדבר הזה להמית את כל הקהל הזה ברעב׃

  2. שְׁמֹות ט״ז:ד׳

    ויאמר יהוה אל משה הנני ממטיר לכם לחם מן השמים ויצא העם ולקטו דבר יום ביומו למען אנסנו הילך בתורתי אם לא׃

  3. שְׁמֹות ט״ז:ה׳

    והיה ביום הששי והכינו את אשר יביאו והיה משנה על אשר ילקטו יום יום׃

  4. שְׁמֹות ט״ז:ו׳

    ויאמר משה ואהרן אל כל בני ישראל ערב וידעתם כי יהוה הוציא אתכם מארץ מצרים׃

  5. שְׁמֹות ט״ז:ז׳

    ובקר וראיתם את כבוד יהוה בשמעו את תלנתיכם על יהוה ונחנו מה כי תלונו עלינו׃

  6. שְׁמֹות ט״ז:ח׳

    ויאמר משה בתת יהוה לכם בערב בשר לאכל ולחם בבקר לשבע בשמע יהוה את תלנתיכם אשר אתם מלינם עליו ונחנו מה לא עלינו תלנתיכם כי על יהוה׃

  7. שְׁמֹות ט״ז:ט׳

    ויאמר משה אל אהרן אמר אל כל עדת בני ישראל קרבו לפני יהוה כי שמע את תלנתיכם׃

  8. שְׁמֹות ט״ז:י׳

    ויהי כדבר אהרן אל כל עדת בני ישראל ויפנו אל המדבר והנה כבוד יהוה נראה בענן׃

  9. שְׁמֹות ט״ז:ל״ד

    כאשר צוה יהוה אל משה ויניחהו אהרן לפני העדת למשמרת׃

  10. שְׁמֹות י״ז:י״ב

    וידי משה כבדים ויקחו אבן וישימו תחתיו וישב עליה ואהרן וחור תמכו בידיו מזה אחד ומזה אחד ויהי ידיו אמונה עד בא השמש׃

  11. שְׁמֹות י״ט:כ״ד

    ויאמר אליו יהוה לך רד ועלית אתה ואהרן עמך והכהנים והעם אל יהרסו לעלת אל יהוה פן יפרץ בם׃

  12. שְׁמֹות כ״ד:א׳

    ¶ ואל משה אמר עלה אל יהוה אתה ואהרן נדב ואביהוא ושבעים מזקני ישראל והשתחויתם מרחק׃

  13. שְׁמֹות כ״ד:ט׳

    ויעל משה ואהרן נדב ואביהוא ושבעים מזקני ישראל׃

  14. שְׁמֹות כ״ד:י׳

    ויראו את אלהי ישראל ותחת רגליו כמעשה לבנת הספיר וכעצם השמים לטהר׃

  15. שְׁמֹות כ״ד:י״ד

    ואל הזקנים אמר שבו לנו בזה עד אשר נשוב אליכם והנה אהרן וחור עמכם מי בעל דברים יגש אלהם׃

  16. שְׁמֹות כ״ח:א׳

    ¶ ואתה הקרב אליך את אהרן אחיך ואת בניו אתו מתוך בני ישראל לכהנו לי אהרן נדב ואביהוא אלעזר ואיתמר בני אהרן׃

  17. שְׁמֹות כ״ח:מ׳

    ולבני אהרן תעשה כתנת ועשית להם אבנטים ומגבעות תעשה להם לכבוד ולתפארת׃

  18. שְׁמֹות כ״ח:מ״א

    והלבשת אתם את אהרן אחיך ואת בניו אתו ומשחת אתם ומלאת את ידם וקדשת אתם וכהנו לי׃

  19. שְׁמֹות כ״ח:מ״ב

    ועשה להם מכנסי בד לכסות בשר ערוה ממתנים ועד ירכים יהיו׃

  20. שְׁמֹות כ״ח:מ״ג

    והיו על אהרן ועל בניו בבאם אל אהל מועד או בגשתם אל המזבח לשרת בקדש ולא ישאו עון ומתו חקת עולם לו ולזרעו אחריו׃

  21. שְׁמֹות כ״ט:ט׳

    וחגרת אתם אבנט אהרן ובניו וחבשת להם מגבעת והיתה להם כהנה לחקת עולם ומלאת יד אהרן ויד בניו׃

  22. וַיִּקְרָא ט׳:כ״ב

    וישא אהרן את ידו אל העם ויברכם וירד מעשת החטאת והעלה והשלמים׃

  23. וַיִּקְרָא י׳:ו׳

    ויאמר משה אל אהרן ולאלעזר ולאיתמר בניו ראשיכם אל תפרעו ובגדיכם לא תפרמו ולא תמתו ועל כל העדה יקצף ואחיכם כל בית ישראל יבכו את השרפה אשר שרף יהוה׃

  24. וַיִּקְרָא י׳:ח׳

    וידבר יהוה אל אהרן לאמר׃

  25. וַיִּקְרָא י׳:י״ט

    וידבר אהרן אל משה הן היום הקריבו את חטאתם ואת עלתם לפני יהוה ותקראנה אתי כאלה ואכלתי חטאת היום הייטב בעיני יהוה׃