פסוקים על Aaron: Descendants of

ויקח אהרן את אלישבע בת עמינדב אחות נחשון לו לאשה ותלד לו את נדב ואת אביהוא את אלעזר ואת איתמר׃

ואלעזר בן אהרן לקח לו מבנות פוטיאל לו לאשה ותלד לו את פינחס אלה ראשי אבות הלוים למשפחתם׃

ובני עמרם אהרן ומשה ומרים ובני אהרן נדב ואביהוא אלעזר ואיתמר׃

אלעזר הוליד את פינחס פינחס הליד את אבישוע׃

ואבישוע הוליד את בקי ובקי הוליד את עזי׃

ועזי הוליד את זרחיה וזרחיה הוליד את מריות׃

מריות הוליד את אמריה ואמריה הוליד את אחיטוב׃

ואחיטוב הוליד את צדוק וצדוק הוליד את אחימעץ׃

ואחימעץ הוליד את עזריה ועזריה הוליד את יוחנן׃

ויוחנן הוליד את עזריה הוא אשר כהן בבית אשר בנה שלמה בירושלם׃

ויולד עזריה את אמריה ואמריה הוליד את אחיטוב׃

ואחיטוב הוליד את צדוק וצדוק הוליד את שלום׃

ושלום הוליד את חלקיה וחלקיה הוליד את עזריה׃

ועזריה הוליד את שריה ושריה הוליד את יהוצדק׃

ויהוצדק הלך בהגלות יהוה את יהודה וירושלם ביד נבכדנאצר׃

ואלה בני אהרן אלעזר בנו פינחס בנו אבישוע בנו׃

בקי בנו עזי בנו זרחיה בנו׃

מריות בנו אמריה בנו אחיטוב בנו׃

צדוק בנו אחימעץ בנו׃