TRV
- English
- King James KJV
- Complete Jewish CJB
- World English WEBM
- Berean Standard BSB
- American Standard ASV
- Geneva GNV
- Young's Literal YLT
- Douay-Rheims DRC
- International
- Shqip ALB
- العربية SVD
- বাংলা BN-IRV
- မြန်မာ Judson
- 简体文 CUV-S
- 繁體中文 CUV-T
- Čeština BKR
- Nederlands STVE
- Français LSG
- Deutsch SCH
- Ελληνικά Vamvas
- ગુજરાતી GU-IRV
- Hausa HCB
- עברית Hebrew
- हिन्दी HCV
- Magyar KAROLI
- Bahasa Indonesia INDO-TB
- Italiano Diodati
- 日本語 Kougo
- 한국어 Korean
- മലയാളം MAL
- मराठी MRCV
- Norsk DNB
- فارسی OPV
- Polski BG
- Português Almeida
- Română Cornilescu
- Русский Synodal
- Español RVG
- Kiswahili Neno
- Svenska SV1917
- Tagalog TAG-ADB
- தமிழ் TCV
- తెలుగు TSA
- ภาษาไทย THAI-KJV
- Українська Ohienko
- Tiếng Việt CADMAN
- Yorùbá YCB
circa 1380–1050 BC
The Judges & Ruth
Israel cycles through rebellion, oppression, and rescue under charismatic leaders—culminating in Ruth's faithful love story.
פסוקים מתקופה זו
וידל ישראל מאד מפני מדין ויזעקו בני ישראל אל יהוה׃
ויהי כי זעקו בני ישראל אל יהוה על אדות מדין׃
- שֹׁפְטִים ו׳:ח׳בערך תמ״ה לפנה״ס
וישלח יהוה איש נביא אל בני ישראל ויאמר להם כה אמר יהוה אלהי ישראל אנכי העליתי אתכם ממצרים ואציא אתכם מבית עבדים׃
- שֹׁפְטִים ו׳:ט׳בערך תמ״ה לפנה״ס
ואצל אתכם מיד מצרים ומיד כל לחציכם ואגרש אותם מפניכם ואתנה לכם את ארצם׃
- שֹׁפְטִים ו׳:י׳בערך תמ״ה לפנה״ס
ואמרה לכם אני יהוה אלהיכם לא תיראו את אלהי האמרי אשר אתם יושבים בארצם ולא שמעתם בקולי׃
- שֹׁפְטִים ו׳:י״אבערך תמ״ה לפנה״ס
ויבא מלאך יהוה וישב תחת האלה אשר בעפרה אשר ליואש אבי העזרי וגדעון בנו חבט חטים בגת להניס מפני מדין׃
- שֹׁפְטִים ו׳:י״בבערך תמ״ה לפנה״ס
וירא אליו מלאך יהוה ויאמר אליו יהוה עמך גבור החיל׃
- שֹׁפְטִים ו׳:י״גבערך תמ״ה לפנה״ס
ויאמר אליו גדעון בי אדני ויש יהוה עמנו ולמה מצאתנו כל זאת ואיה כל נפלאתיו אשר ספרו לנו אבותינו לאמר הלא ממצרים העלנו יהוה ועתה נטשנו יהוה ויתננו בכף מדין׃
- שֹׁפְטִים ו׳:י״דבערך תמ״ה לפנה״ס
ויפן אליו יהוה ויאמר לך בכחך זה והושעת את ישראל מכף מדין הלא שלחתיך׃
- שֹׁפְטִים ו׳:ט״ובערך תמ״ה לפנה״ס
ויאמר אליו בי אדני במה אושיע את ישראל הנה אלפי הדל במנשה ואנכי הצעיר בבית אבי׃
- שֹׁפְטִים ו׳:ט״זבערך תמ״ה לפנה״ס
ויאמר אליו יהוה כי אהיה עמך והכית את מדין כאיש אחד׃
- שֹׁפְטִים ו׳:י״זבערך תמ״ה לפנה״ס
ויאמר אליו אם נא מצאתי חן בעיניך ועשית לי אות שאתה מדבר עמי׃
- שֹׁפְטִים ו׳:י״חבערך תמ״ה לפנה״ס
אל נא תמש מזה עד באי אליך והצאתי את מנחתי והנחתי לפניך ויאמר אנכי אשב עד שובך׃
- שֹׁפְטִים ו׳:י״טבערך תמ״ה לפנה״ס
וגדעון בא ויעש גדי עזים ואיפת קמח מצות הבשר שם בסל והמרק שם בפרור ויוצא אליו אל תחת האלה ויגש׃
- שֹׁפְטִים ו׳:כ׳בערך תמ״ה לפנה״ס
ויאמר אליו מלאך האלהים קח את הבשר ואת המצות והנח אל הסלע הלז ואת המרק שפוך ויעש כן׃
- שֹׁפְטִים ו׳:כ״אבערך תמ״ה לפנה״ס
וישלח מלאך יהוה את קצה המשענת אשר בידו ויגע בבשר ובמצות ותעל האש מן הצור ותאכל את הבשר ואת המצות ומלאך יהוה הלך מעיניו׃
- שֹׁפְטִים ו׳:כ״בבערך תמ״ה לפנה״ס
וירא גדעון כי מלאך יהוה הוא ויאמר גדעון אהה אדני יהוה כי על כן ראיתי מלאך יהוה פנים אל פנים׃
- שֹׁפְטִים ו׳:כ״גבערך תמ״ה לפנה״ס
ויאמר לו יהוה שלום לך אל תירא לא תמות׃
- שֹׁפְטִים ו׳:כ״דבערך תמ״ה לפנה״ס
ויבן שם גדעון מזבח ליהוה ויקרא לו יהוה שלום עד היום הזה עודנו בעפרת אבי העזרי׃
- שֹׁפְטִים ו׳:כ״הבערך תמ״ה לפנה״ס
ויהי בלילה ההוא ויאמר לו יהוה קח את פר השור אשר לאביך ופר השני שבע שנים והרסת את מזבח הבעל אשר לאביך ואת האשרה אשר עליו תכרת׃
- שֹׁפְטִים ו׳:כ״ובערך תמ״ה לפנה״ס
ובנית מזבח ליהוה אלהיך על ראש המעוז הזה במערכה ולקחת את הפר השני והעלית עולה בעצי האשרה אשר תכרת׃
- שֹׁפְטִים ו׳:כ״זבערך תמ״ה לפנה״ס
ויקח גדעון עשרה אנשים מעבדיו ויעש כאשר דבר אליו יהוה ויהי כאשר ירא את בית אביו ואת אנשי העיר מעשות יומם ויעש לילה׃
- שֹׁפְטִים ו׳:כ״חבערך תמ״ה לפנה״ס
וישכימו אנשי העיר בבקר והנה נתץ מזבח הבעל והאשרה אשר עליו כרתה ואת הפר השני העלה על המזבח הבנוי׃
- שֹׁפְטִים ו׳:כ״טבערך תמ״ה לפנה״ס
ויאמרו איש אל רעהו מי עשה הדבר הזה וידרשו ויבקשו ויאמרו גדעון בן יואש עשה הדבר הזה׃
- שֹׁפְטִים ו׳:ל׳בערך תמ״ה לפנה״ס
ויאמרו אנשי העיר אל יואש הוצא את בנך וימת כי נתץ את מזבח הבעל וכי כרת האשרה אשר עליו׃