Jesus

כי כל אשר יעשה רצון האלהים הוא אחי ואחותי ואמי׃

¶ וישב אל הים ויחל ללמד ויקהלו אליו המון עם רב עד אשר ירד לשבת באניה בים וכל העם עומד על חוף הים ביבשה׃

וילמדם הרבה במשלים ויאמר אליהם בלמדו אתם׃

ויאמר אליהם מי אשר אזנים לו לשמע ישמע׃

ויהי בהיותו לבדו וישאלוהו האנשים אשר סביביו עם שנים העשר על המשל׃

ויאמר אליהם לכם נתן לדעת סוד מלכות האלהים ואשר בחוץ להם הכל במשלים׃

ויאמר להם הן לא ידעתם את המשל הזה ואיך תבינו את המשלים כלם׃

ויאמר אליהם הכי יביאו הנר למען יושם תחת האיפה ותחת המטה ולא למען יעלהו על המנורה׃

ויאמר אליהם ראו מה אתם שמעים במדה אשר אתם מודדים בה ימד לכם ועוד יוסף לכם השמעים׃

ויאמר מלכות האלהים היא כאשר ישליך איש זרע על האדמה׃

ויאמר אל מה נדמה את מלכות האלהים ובאי זה משל נמשילנה׃

ובמשלים רבים כאלה דבר אליהם את הדבר כפי אשר יכלו לשמע׃

ובבלי משל לא דבר אליהם והיה בהיותו עם תלמידיו לבדם יבאר להם את הכל׃

ויאמר אליהם ביום ההוא לפנות ערב נעברה העבר׃

ויעזבו את המון העם ויקחו אתו כאשר הוא באניה וגם אניות אחרות הלכו עמו׃

והוא ישן על הכסת באחרי האניה ויעירו אותו ויאמרו אליו רבי האינך דאג לנו כי נאבד׃

ויעור ויגער ברוח ויאמר אל הים הס ודם ותשך הרוח ותהי דממה גדולה׃

ויאמר אליהם למה ככה אתם חרדים איך אין לכם אמונה׃

וייראו יראה גדולה ויאמרו איש אל רעהו מי אפוא הוא אשר גם הרוח והים שמעים לו׃

והוא יצא מן האניה והנה איש בא לקראתו מבין הקברים אשר רוח טמאה בו׃

ויהי כראותו את ישוע מרחוק וירץ וישתחו לו׃

ויצעק בקול גדול ויאמר מה לי ולך ישוע בן אל עליון באלהים אני משביעך אשר לא תענני׃

כי הוא אמר אליו צא רוח טמא מן האדם הזה׃

וישאל אתו מה שמך ויען ויאמר לגיון שמי כי רבים אנחנו׃

ויתחנן אליו מאד לבלתי שלחם אל מחוץ לארץ׃