God

11,427 פסוקים · 2 בני משפחה

פסוקים המזכירים את God

סינון לפי ספר
  1. מַעֲשֵׂי הַשְּׁלִיחִים י״ג:מ״ו

    אז הגידו פולוס ובר נבא על פניהם לאמר בדין היה להשמיע אתכם בראשונה את דבר האלהים ועתה אחרי אשר מאסתם אותו ואינכם זכים בעיניכם לחיי העולם לכן הננו פנים אל הגוים׃

  2. מַעֲשֵׂי הַשְּׁלִיחִים י״ד:ט״ו

    ויצעקו לאמר אנשים למה תעשו כזאת גם אנחנו בני אדם חלשים כמוכם ונבשרה אתכם למען שוב תשובו מן הבליכם אלה אל אלהים חיים אשר עשה את השמים ואת הארץ ואת הים ואת כל אשר בם׃

  3. מַעֲשֵׂי הַשְּׁלִיחִים י״ד:כ״ב

    ויחזקו את נפשות התלמידים ויזהירו אתם לעמד באמונה וכי רק בצרות רבות בוא נבוא אל מלכות האלהים׃

  4. מַעֲשֵׂי הַשְּׁלִיחִים י״ד:כ״ו

    ומשם באו באניה אל אנטיוכיא אשר נמסרו שם לחסד אלהים על המלאכה אשר מלאו אתה׃

  5. מַעֲשֵׂי הַשְּׁלִיחִים י״ד:כ״ז

    ובבאם שמה הקהילו את העדה ויגידו את כל אשר עשה אתם האלהים ואת אשר פתח לגוים פתח האמונה׃

  6. מַעֲשֵׂי הַשְּׁלִיחִים ט״ו:ד׳

    ויהי כבאם ירושלים ויקבלו אתם הקהלה והשליחים והזקנים ויגידו להם את אשר הגדיל האלהים לעשות עמהם׃

  7. מַעֲשֵׂי הַשְּׁלִיחִים ט״ו:ז׳

    ויהי ברבות המחלקת קם פטרוס ויאמר אליהם אנשים אחים אתם ידעתם כי מימים ראשים בי בחר האלהים מכלנו אשר ישמעו הגוים מפי את דבר הבשורה ויאמינו׃

  8. מַעֲשֵׂי הַשְּׁלִיחִים ט״ו:ח׳

    והאלהים ידע הלבבות העיד עליהם בתתו גם להם את רוח הקדש כאשר נתן לנו׃

  9. מַעֲשֵׂי הַשְּׁלִיחִים ט״ו:י׳

    ועתה מה תנסו את האלהים לשום על על צוארי התלמידים אשר גם אבותינו גם אנחנו לא יכלנו לשאת׃

  10. מַעֲשֵׂי הַשְּׁלִיחִים ט״ו:י״ב

    ויחרישו כל הקהל וישמעו אל בר נבא ואל פולוס מספרים את האתות והמופתים אשר הרבה האלהים לעשות על ידיהם בקרב הגוים׃

  11. מַעֲשֵׂי הַשְּׁלִיחִים ט״ו:י״ד

    שמעון ספר איך האלהים ראה לו בראשונה לקחת מבין הגוים עם לשמו׃

  12. מַעֲשֵׂי הַשְּׁלִיחִים ט״ו:ט״ז

    אחרי זאת אשוב ואקים את סכת דויד הנפלת והרסותיה אקים ובניתיה׃

  13. מַעֲשֵׂי הַשְּׁלִיחִים ט״ו:י״ז

    למען ידרשו שארית אדם את יהוה וכל הגוים אשר נקרא שמי עליהם נאם יהוה עשה כל אלה׃

  14. מַעֲשֵׂי הַשְּׁלִיחִים ט״ו:י״ח

    נודעים לאלהים מעולם כל מעשיו׃

  15. מַעֲשֵׂי הַשְּׁלִיחִים ט״ו:י״ט

    ועל כן אני דן שלא להחמיר על השבים מן הגוים לאלהים׃

  16. מַעֲשֵׂי הַשְּׁלִיחִים ט״ו:מ׳

    ופולוס בחר לו את סילא וימסרהו האחים אל חסד יהוה ויצא׃

  17. מַעֲשֵׂי הַשְּׁלִיחִים ט״ז:י״ד

    ואשה יראת אליהם ושמה לודיא מכרת ארגמן מעיר תיאטירא שמעה ויפתח יהוה את לבה להקשיב אל דברי פולוס׃

  18. מַעֲשֵׂי הַשְּׁלִיחִים ט״ז:י״ז

    ותלך אחרי פולוס ואחרינו הלוך וקרוא לאמר האנשים האלה עבדי אל עליון המה המודיעים אתנו ארח הישועה׃

  19. מַעֲשֵׂי הַשְּׁלִיחִים ט״ז:כ״ה

    ויהי כחצות הלילה ויתפללו פולוס וסילא ויזמרו לאלהים והאסורים מקשיבים אליהם׃

  20. מַעֲשֵׂי הַשְּׁלִיחִים ט״ז:ל״ד

    ויעלם אל ביתו וישם שלחן לפניהם ויגל עם כל ביתו על היותו מאמין באלהים׃

  21. מַעֲשֵׂי הַשְּׁלִיחִים י״ז:י״ג

    ויהי כאשר שמעו היהודים אשר מתסלוניקי כי מגיד פולוס את דבר אלהים גם בברואה ויבאו ויעררו את העם גם שמה׃

  22. מַעֲשֵׂי הַשְּׁלִיחִים י״ז:כ״ג

    כי אני עבר ומתבונן אל עבדות אלהיכם ואמצא מזבח אחד כתוב עליו לאל הנעלם ועתה את אשר עבדתם ואינכם ידעים אתו אני מגיד לכם׃

  23. מַעֲשֵׂי הַשְּׁלִיחִים י״ז:כ״ד

    האל אשר עשה את העולם וכל אשר בו לא ישכן בהיכלות מעשה ידים כי הוא אדון השמים והארץ׃

  24. מַעֲשֵׂי הַשְּׁלִיחִים י״ז:כ״ט

    והנה בהיותנו ילידי האלהים לא נכון לנו לחשב כי האלהות תדמה לזהב או לכסף או לאבן מעשה חרש ומחשבת בני אדם׃

  25. מַעֲשֵׂי הַשְּׁלִיחִים י״ז:ל׳

    לכן עתה אחרי עבר אלהים על ימות הסכלות מצוה הוא את כל בני האדם בכל אפסי ארץ כי שוב ישובו׃