God

כי כוס ביד יהוה ויין חמר מלא מסך ויגר מזה אך שמריה ימצו ישתו כל רשעי ארץ׃

ואני אגיד לעלם אזמרה לאלהי יעקב׃

¶ למנצח בנגינת מזמור לאסף שיר נודע ביהודה אלהים בישראל גדול שמו׃

ויהי בשלם סכו ומעונתו בציון׃

שמה שבר רשפי קשת מגן וחרב ומלחמה סלה׃

מגערתך אלהי יעקב נרדם ורכב וסוס׃

אתה נורא אתה ומי יעמד לפניך מאז אפך׃

בקום למשפט אלהים להושיע כל ענוי ארץ סלה׃

כי חמת אדם תודך שארית חמת תחגר׃

נדרו ושלמו ליהוה אלהיכם כל סביביו יובילו שי למורא׃

יבצר רוח נגידים נורא למלכי ארץ׃

¶ למנצח על ידיתון לאסף מזמור קולי אל אלהים ואצעקה קולי אל אלהים והאזין אלי׃

ביום צרתי אדני דרשתי ידי לילה נגרה ולא תפוג מאנה הנחם נפשי׃

אזכרה אלהים ואהמיה אשיחה ותתעטף רוחי סלה׃

הלעולמים יזנח אדני ולא יסיף לרצות עוד׃

האפס לנצח חסדו גמר אמר לדר ודר׃

השכח חנות אל אם קפץ באף רחמיו סלה׃

ואמר חלותי היא שנות ימין עליון׃

אזכיר מעללי יה כי אזכרה מקדם פלאך׃

והגיתי בכל פעלך ובעלילותיך אשיחה׃

אלהים בקדש דרכך מי אל גדול כאלהים׃

אתה האל עשה פלא הודעת בעמים עזך׃

גאלת בזרוע עמך בני יעקב ויוסף סלה׃

ראוך מים אלהים ראוך מים יחילו אף ירגזו תהמות׃

זרמו מים עבות קול נתנו שחקים אף חצציך יתהלכו׃