God

כי הנה רחקיך יאבדו הצמתה כל זונה ממך׃

ואני קרבת אלהים לי טוב שתי באדני יהוה מחסי לספר כל מלאכותיך׃

¶ משכיל לאסף למה אלהים זנחת לנצח יעשן אפך בצאן מרעיתך׃

זכר עדתך קנית קדם גאלת שבט נחלתך הר ציון זה שכנת בו׃

הרימה פעמיך למשאות נצח כל הרע אויב בקדש׃

שאגו צרריך בקרב מועדך שמו אותתם אתות׃

שלחו באש מקדשך לארץ חללו משכן שמך׃

אמרו בלבם נינם יחד שרפו כל מועדי אל בארץ׃

עד מתי אלהים יחרף צר ינאץ אויב שמך לנצח׃

למה תשיב ידך וימינך מקרב חוקך כלה׃

ואלהים מלכי מקדם פעל ישועות בקרב הארץ׃

אתה פוררת בעזך ים שברת ראשי תנינים על המים׃

אתה בקעת מעין ונחל אתה הובשת נהרות איתן׃

לך יום אף לך לילה אתה הכינות מאור ושמש׃

אתה הצבת כל גבולות ארץ קיץ וחרף אתה יצרתם׃

זכר זאת אויב חרף יהוה ועם נבל נאצו שמך׃

אל תתן לחית נפש תורך חית ענייך אל תשכח לנצח׃

אל ישב דך נכלם עני ואביון יהללו שמך׃

קומה אלהים ריבה ריבך זכר חרפתך מני נבל כל היום׃

אל תשכח קול צרריך שאון קמיך עלה תמיד׃

¶ למנצח אל תשחת מזמור לאסף שיר הודינו לך אלהים הודינו וקרוב שמך ספרו נפלאותיך׃

כי אקח מועד אני מישרים אשפט׃

נמגים ארץ וכל ישביה אנכי תכנתי עמודיה סלה׃

אמרתי להוללים אל תהלו ולרשעים אל תרימו קרן׃

כי אלהים שפט זה ישפיל וזה ירים׃