עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 1 מְלָכִים י״ז:כ׳

    ויקרא אל יהוה ויאמר יהוה אלהי הגם על האלמנה אשר אני מתגורר עמה הרעות להמית את בנה׃

  2. 1 מְלָכִים י״ז:כ״א

    ויתמדד על הילד שלש פעמים ויקרא אל יהוה ויאמר יהוה אלהי תשב נא נפש הילד הזה על קרבו׃

  3. 1 מְלָכִים י״ז:כ״ב

    וישמע יהוה בקול אליהו ותשב נפש הילד על קרבו ויחי׃

  4. 1 מְלָכִים י״ז:כ״ד

    ותאמר האשה אל אליהו עתה זה ידעתי כי איש אלהים אתה ודבר יהוה בפיך אמת׃

  5. 1 מְלָכִים י״ח:א׳

    ¶ ויהי ימים רבים ודבר יהוה היה אל אליהו בשנה השלישית לאמר לך הראה אל אחאב ואתנה מטר על פני האדמה׃

  6. 1 מְלָכִים י״ח:ג׳

    ויקרא אחאב אל עבדיהו אשר על הבית ועבדיהו היה ירא את יהוה מאד׃

  7. 1 מְלָכִים י״ח:ד׳

    ויהי בהכרית איזבל את נביאי יהוה ויקח עבדיהו מאה נבאים ויחביאם חמשים איש במערה וכלכלם לחם ומים׃

  8. 1 מְלָכִים י״ח:י׳

    חי יהוה אלהיך אם יש גוי וממלכה אשר לא שלח אדני שם לבקשך ואמרו אין והשביע את הממלכה ואת הגוי כי לא ימצאכה׃

  9. 1 מְלָכִים י״ח:י״ב

    והיה אני אלך מאתך ורוח יהוה ישאך על אשר לא אדע ובאתי להגיד לאחאב ולא ימצאך והרגני ועבדך ירא את יהוה מנערי׃

  10. 1 מְלָכִים י״ח:י״ג

    הלא הגד לאדני את אשר עשיתי בהרג איזבל את נביאי יהוה ואחבא מנביאי יהוה מאה איש חמשים חמשים איש במערה ואכלכלם לחם ומים׃

  11. 1 מְלָכִים י״ח:ט״ו

    ויאמר אליהו חי יהוה צבאות אשר עמדתי לפניו כי היום אראה אליו׃

  12. 1 מְלָכִים י״ח:י״ח

    ויאמר לא עכרתי את ישראל כי אם אתה ובית אביך בעזבכם את מצות יהוה ותלך אחרי הבעלים׃

  13. 1 מְלָכִים י״ח:כ״א

    ויגש אליהו אל כל העם ויאמר עד מתי אתם פסחים על שתי הסעפים אם יהוה האלהים לכו אחריו ואם הבעל לכו אחריו ולא ענו העם אתו דבר׃

  14. 1 מְלָכִים י״ח:כ״ב

    ויאמר אליהו אל העם אני נותרתי נביא ליהוה לבדי ונביאי הבעל ארבע מאות וחמשים איש׃

  15. 1 מְלָכִים י״ח:כ״ד

    וקראתם בשם אלהיכם ואני אקרא בשם יהוה והיה האלהים אשר יענה באש הוא האלהים ויען כל העם ויאמרו טוב הדבר׃

  16. 1 מְלָכִים י״ח:ל׳

    ויאמר אליהו לכל העם גשו אלי ויגשו כל העם אליו וירפא את מזבח יהוה ההרוס׃

  17. 1 מְלָכִים י״ח:ל״א

    ויקח אליהו שתים עשרה אבנים כמספר שבטי בני יעקב אשר היה דבר יהוה אליו לאמר ישראל יהיה שמך׃

  18. 1 מְלָכִים י״ח:ל״ב

    ויבנה את האבנים מזבח בשם יהוה ויעש תעלה כבית סאתים זרע סביב למזבח׃

  19. 1 מְלָכִים י״ח:ל״ו

    ויהי בעלות המנחה ויגש אליהו הנביא ויאמר יהוה אלהי אברהם יצחק וישראל היום יודע כי אתה אלהים בישראל ואני עבדך ובדבריך עשיתי את כל הדברים האלה׃

  20. 1 מְלָכִים י״ח:ל״ז

    ענני יהוה ענני וידעו העם הזה כי אתה יהוה האלהים ואתה הסבת את לבם אחרנית׃

  21. 1 מְלָכִים י״ח:ל״ח

    ותפל אש יהוה ותאכל את העלה ואת העצים ואת האבנים ואת העפר ואת המים אשר בתעלה לחכה׃

  22. 1 מְלָכִים י״ח:ל״ט

    וירא כל העם ויפלו על פניהם ויאמרו יהוה הוא האלהים יהוה הוא האלהים׃

  23. 1 מְלָכִים י״ח:מ״ו

    ויד יהוה היתה אל אליהו וישנס מתניו וירץ לפני אחאב עד באכה יזרעאלה׃

  24. 1 מְלָכִים י״ט:ד׳

    והוא הלך במדבר דרך יום ויבא וישב תחת רתם אחת וישאל את נפשו למות ויאמר רב עתה יהוה קח נפשי כי לא טוב אנכי מאבתי׃

  25. 1 מְלָכִים י״ט:ז׳

    וישב מלאך יהוה שנית ויגע בו ויאמר קום אכל כי רב ממך הדרך׃