עברית

God

11,427 פסוקים · 2 בני משפחה

פסוקים המזכירים את God

סינון לפי ספר
  1. 1 מְלָכִים ח׳:מ״ז

    והשיבו אל לבם בארץ אשר נשבו שם ושבו והתחננו אליך בארץ שביהם לאמר חטאנו והעוינו רשענו׃

  2. 1 מְלָכִים ח׳:מ״ח

    ושבו אליך בכל לבבם ובכל נפשם בארץ איביהם אשר שבו אתם והתפללו אליך דרך ארצם אשר נתתה לאבותם העיר אשר בחרת והבית אשר בנית לשמך׃

  3. 1 מְלָכִים ח׳:מ״ט

    ושמעת השמים מכון שבתך את תפלתם ואת תחנתם ועשית משפטם׃

  4. 1 מְלָכִים ח׳:נ׳

    וסלחת לעמך אשר חטאו לך ולכל פשעיהם אשר פשעו בך ונתתם לרחמים לפני שביהם ורחמום׃

  5. 1 מְלָכִים ח׳:נ״א

    כי עמך ונחלתך הם אשר הוצאת ממצרים מתוך כור הברזל׃

  6. 1 מְלָכִים ח׳:נ״ב

    להיות עיניך פתחות אל תחנת עבדך ואל תחנת עמך ישראל לשמע אליהם בכל קראם אליך׃

  7. 1 מְלָכִים ח׳:נ״ג

    כי אתה הבדלתם לך לנחלה מכל עמי הארץ כאשר דברת ביד משה עבדך בהוציאך את אבתינו ממצרים אדני יהוה׃

  8. 1 מְלָכִים ח׳:נ״ד

    ויהי ככלות שלמה להתפלל אל יהוה את כל התפלה והתחנה הזאת קם מלפני מזבח יהוה מכרע על ברכיו וכפיו פרשות השמים׃

  9. 1 מְלָכִים ח׳:נ״ו

    ברוך יהוה אשר נתן מנוחה לעמו ישראל ככל אשר דבר לא נפל דבר אחד מכל דברו הטוב אשר דבר ביד משה עבדו׃

  10. 1 מְלָכִים ח׳:נ״ז

    יהי יהוה אלהינו עמנו כאשר היה עם אבתינו אל יעזבנו ואל יטשנו׃

  11. 1 מְלָכִים ח׳:נ״ח

    להטות לבבנו אליו ללכת בכל דרכיו ולשמר מצותיו וחקיו ומשפטיו אשר צוה את אבתינו׃

  12. 1 מְלָכִים ח׳:נ״ט

    ויהיו דברי אלה אשר התחננתי לפני יהוה קרבים אל יהוה אלהינו יומם ולילה לעשות משפט עבדו ומשפט עמו ישראל דבר יום ביומו׃

  13. 1 מְלָכִים ח׳:ס׳

    למען דעת כל עמי הארץ כי יהוה הוא האלהים אין עוד׃

  14. 1 מְלָכִים ח׳:ס״א

    והיה לבבכם שלם עם יהוה אלהינו ללכת בחקיו ולשמר מצותיו כיום הזה׃

  15. 1 מְלָכִים ח׳:ס״ב

    והמלך וכל ישראל עמו זבחים זבח לפני יהוה׃

  16. 1 מְלָכִים ח׳:ס״ג

    ויזבח שלמה את זבח השלמים אשר זבח ליהוה בקר עשרים ושנים אלף וצאן מאה ועשרים אלף ויחנכו את בית יהוה המלך וכל בני ישראל׃

  17. 1 מְלָכִים ח׳:ס״ד

    ביום ההוא קדש המלך את תוך החצר אשר לפני בית יהוה כי עשה שם את העלה ואת המנחה ואת חלבי השלמים כי מזבח הנחשת אשר לפני יהוה קטן מהכיל את העלה ואת המנחה ואת חלבי השלמים׃

  18. 1 מְלָכִים ח׳:ס״ה

    ויעש שלמה בעת ההיא את החג וכל ישראל עמו קהל גדול מלבוא חמת עד נחל מצרים לפני יהוה אלהינו שבעת ימים ושבעת ימים ארבעה עשר יום׃

  19. 1 מְלָכִים ח׳:ס״ו

    ביום השמיני שלח את העם ויברכו את המלך וילכו לאהליהם שמחים וטובי לב על כל הטובה אשר עשה יהוה לדוד עבדו ולישראל עמו׃

  20. 1 מְלָכִים ט׳:א׳

    ¶ ויהי ככלות שלמה לבנות את בית יהוה ואת בית המלך ואת כל חשק שלמה אשר חפץ לעשות׃

  21. 1 מְלָכִים ט׳:ב׳

    וירא יהוה אל שלמה שנית כאשר נראה אליו בגבעון׃

  22. 1 מְלָכִים ט׳:ג׳

    ויאמר יהוה אליו שמעתי את תפלתך ואת תחנתך אשר התחננתה לפני הקדשתי את הבית הזה אשר בנתה לשום שמי שם עד עולם והיו עיני ולבי שם כל הימים׃

  23. 1 מְלָכִים ט׳:ד׳

    ואתה אם תלך לפני כאשר הלך דוד אביך בתם לבב ובישר לעשות ככל אשר צויתיך חקי ומשפטי תשמר׃

  24. 1 מְלָכִים ט׳:ה׳

    והקמתי את כסא ממלכתך על ישראל לעלם כאשר דברתי על דוד אביך לאמר לא יכרת לך איש מעל כסא ישראל׃

  25. 1 מְלָכִים ט׳:ו׳

    אם שוב תשבון אתם ובניכם מאחרי ולא תשמרו מצותי חקתי אשר נתתי לפניכם והלכתם ועבדתם אלהים אחרים והשתחויתם להם׃