Ayoyin Littafi Mai Tsarki game da Ramoth-Gilead: Elisha anoints Jehu king at

6 ayoyi · 7 fannoni

Ayoyi game da Elisha anoints Jehu king at

  1. 2 Sarakuna 9:1

    Sai Elisha ya kira wani daga cikin ƙungiyar annabawa, ya ce masa, “Ka sha ɗamara, ka ɗauki wannan kwalabar mai ka je Ramot Gileyad.

  2. 2 Sarakuna 9:2

    Da ka isa can, ka nemi Yehu ɗan Yehoshafat, ɗan Nimshi. Ka je wurinsa, ka ja shi gefe daga abokansa, ka shiga da shi ɗaki na ciki.

  3. 2 Sarakuna 9:3

    Sa’an nan ka ɗauki kwalabar man ka zuba a kansa, ka ce, ‘Ga abin da Ubangiji ya faɗa, na naɗa ka sarkin Isra’ila.’ Sa’an nan ka buɗe ƙofa ka ruga a guje; kada ka ɓata lokaci!”

  4. 2 Sarakuna 9:4

    Sai saurayin nan, annabi, ya tafi Ramot Gileyad.

  5. 2 Sarakuna 9:5

    Da ya isa can, sai ya tarar da hafsoshin soji zaune a wuri guda. Sai ya ce, “Ina da saƙo dominka komanda.” Sai Yehu ya ce, “Wanne a cikinmu?” Sai ce, “Dominka, komanda.”

  6. 2 Sarakuna 9:6

    Sai Yehu ya tashi ya shiga cikin gida. Sa’an nan annabin ya zuba wa Yehu mai a kā, ya ce, “Ga abin da Ubangiji, Allah na Isra’ila ya ce, ‘Na naɗa ka sarki a bisa jama’ar Ubangiji, wato, Isra’ila.