Ayoyin Littafi Mai Tsarki game da Hypocrisy: General references

Abin da yake faruwa ke nan da duk wanda yake mantawa da Allah; waɗanda ba su da Allah, ba su da bege.

Abin da yake dogara a kai ba shi da ƙarfi; abin da yake dogara a kai yanar gizo ce.

Ya jingina ga yanar gizo, amma ba ta tare shi, sun kama ta, amma ba za tă taimake su tsayawa ba.

Zai zama kamar itacen inabi wanda ’ya’yansa suka kakkaɓe kafin su nuna, kamar itacen zaitun zai zubar da furensa.

Gama marasa tsoron Allah za su zama marasa ba da ’ya’ya, wuta kuma za tă ƙona tenti na masu son cin hanci.

“Ba shakka ka san yadda abin yake tuntuni, tun da aka sa mutum cikin duniya,

mugun mutum bai taɓa daɗewa ba, farin cikin mutum na ɗan gajeren lokaci ne.

Ko da ya ƙasaita ya kai sararin sama, kansa kuma yana taɓa gizagizai.

Zai hallaka har abada, kamar bayan gidansa; waɗanda suka gan shi za su ce, ‘Ina yake?’

Kamar mafarki haka zai ɓace, ba za a ƙara ganinsa ba zai ɓace kamar wahayi da dare.

Idon da ya gan shi ba zai ƙara ganinsa ba; wurin zamansa ba zai sāke ganinsa ba.

Dole ’ya’yansa su mayar wa matalauta abin da ya kamata; dole hannuwansa su mayar da dukiyarsa.

Jin ƙarfi da ya cika ƙasusuwansa zai kwantar da shi a cikin ƙura.

“Ko da yake mugunta tana da daɗi a bakinsa kuma yana ɓoye ta a harshensa,

ko da yake ba zai iya rabuwa da ita ba, yana kuma ajiye ta a bakinsa,

duk da haka abincin da ya ci zai zama da tsami a cikin cikinsa; zai zama kamar dafin maciji a cikinsa.

Zai haras da dukiyar da ya haɗiye; Allah zai sa cikinsa yă haras da su.

Zai sha dafin maciji; sarar maciji mai dafi za tă tashe shi.

Ba zai ji daɗin koguna da rafuffuka masu kwarara da zuma da madara ba.

Dole yă ba da abin da ya yi gumi kafin yă samu, ba zai ci ba; ba zai ji daɗin ribar da ya samu daga kasuwancinsa ba.

Gama wane bege marar tsoron Allah yake da shi, lokacin da aka datse shi, lokacin da Allah ya ɗauke ransa?

Ko Allah yana sauraron kukansa lokacin da ƙunci ya auko masa?

Ko zai sami farin ciki daga Maɗaukaki? Ko zai yi kira ga Allah a kowane lokaci?

“Ga abin da mugaye za su samu gādon da azzalumi zai samu daga Maɗaukaki.

Kome yawan ’ya’yansa, takobi za tă gama da su; zuriyarsa ba za su taɓa samun isashen abinci ba.