תְהִלִּיםפ׳

פנייה ובקשה להשבת המצב לקדמותו

א׳
למנצח אל ששנים עדות לאסף מזמור רעה ישראל האזינה נהג כצאן יוסף ישב הכרובים הופיעה׃
ב׳
לפני אפרים ובנימן ומנשה עוררה את גבורתך ולכה לישעתה לנו׃
ג׳
אלהים השיבנו והאר פניך ונושעה׃

קינה על כעס האלוהים ועל סבל העם

ד׳
יהוה אלהים צבאות עד מתי עשנת בתפלת עמך׃
ה׳
האכלתם לחם דמעה ותשקמו בדמעות שליש׃
ו׳
תשימנו מדון לשכנינו ואיבינו ילעגו למו׃
ז׳
אלהים צבאות השיבנו והאר פניך ונושעה׃

ישראל כגפן שנעקרה

ח׳
גפן ממצרים תסיע תגרש גוים ותטעה׃
ט׳
פנית לפניה ותשרש שרשיה ותמלא ארץ׃
י׳
כסו הרים צלה וענפיה ארזי אל׃
י״א
תשלח קצירה עד ים ואל נהר יונקותיה׃
י״ב
למה פרצת גדריה וארוה כל עברי דרך׃
י״ג
יכרסמנה חזיר מיער וזיז שדי ירענה׃

בקשה מחודשת להתערבות האלוהית

י״ד
אלהים צבאות שוב נא הבט משמים וראה ופקד גפן זאת׃
ט״ו
וכנה אשר נטעה ימינך ועל בן אמצתה לך׃
ט״ז
שרפה באש כסוחה מגערת פניך יאבדו׃
י״ז
תהי ידך על איש ימינך על בן אדם אמצת לך׃
י״ח
ולא נסוג ממך תחינו ובשמך נקרא׃
י״ט
יהוה אלהים צבאות השיבנו האר פניך ונושעה׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options