עברית

מִשְׁלֵיה׳

שמע אל מוסר החכמה

א׳
בני לחכמתי הקשיבה לתבונתי הט אזנך׃
ב׳
לשמר מזמות ודעת שפתיך ינצרו׃

סכנת הניאוף המטעה

ג׳
כי נפת תטפנה שפתי זרה וחלק משמן חכה׃
ד׳
ואחריתה מרה כלענה חדה כחרב פיות׃
ה׳
רגליה ירדות מות שאול צעדיה יתמכו׃
ו׳
ארח חיים פן תפלס נעו מעגלתיה לא תדע׃

תוצאות ההליכה אחר האישה הזרה

ז׳
ועתה בנים שמעו לי ואל תסורו מאמרי פי׃
ח׳
הרחק מעליה דרכך ואל תקרב אל פתח ביתה׃
ט׳
פן תתן לאחרים הודך ושנתיך לאכזרי׃
י׳
פן ישבעו זרים כחך ועצביך בבית נכרי׃
י״א
ונהמת באחריתך בכלות בשרך ושארך׃
י״ב
ואמרת איך שנאתי מוסר ותוכחת נאץ לבי׃
י״ג
ולא שמעתי בקול מורי ולמלמדי לא הטיתי אזני׃
י״ד
כמעט הייתי בכל רע בתוך קהל ועדה׃

שמחת הנאמנות בחיי הנישואים

ט״ו
שתה מים מבורך ונזלים מתוך בארך׃
ט״ז
יפוצו מעינתיך חוצה ברחבות פלגי מים׃
י״ז
יהיו לך לבדך ואין לזרים אתך׃
י״ח
יהי מקורך ברוך ושמח מאשת נעורך׃
י״ט
אילת אהבים ויעלת חן דדיה ירוך בכל עת באהבתה תשגה תמיד׃
כ׳
ולמה תשגה בני בזרה ותחבק חק נכריה׃

ה׳ רואה את כל הדרכים

כ״א
כי נכח עיני יהוה דרכי איש וכל מעגלתיו מפלס׃
כ״ב
עוונותיו ילכדנו את הרשע ובחבלי חטאתו יתמך׃
כ״ג
הוא ימות באין מוסר וברב אולתו ישגה׃
Use ← → arrow keys to navigate
Settings

Reading Style

Typeface

Font Size 19px

Reading Width 45 chars

Options