Vargje biblike për Alliance and Society with the Enemies of God

I mjeri unë, që banoj në Meshek dhe që strehohem në çadrat e Kedarit!

Tepër gjatë kam banuar me ata që e urrejnë paqen.

Me siguri, ti do vrasësh të pabesin, o Perëndi; prandaj ju, njerëz gjakatarë largohuni nga unë.

Biri im, në qoftë se mëkatarët duan të të mashtrojnë, mos prano,

në qoftë se thonë: "Eja me ne; kemi ngritur një pritë për të derdhur gjak; i ngritëm gracka të pafajmit pa ndonjë shkak;

le t'i kapërdimë të gjallë, ashtu si Sheoli, tërësisht si ata që zbresin në gropë;

ne do të gjejmë lloj-lloj pasurish të çmueshme, do t'i mbushim shtëpitë tona me plaçka;

ti do ta hedhësh në short pjesën tënde me ne, dhe të gjithë ne do të kemi një qese të vetme";

biri im, mos shko me ta në po atë rrugë, ndale hapin nga shtegu i tyre,

Kur dituria të të hyjë në zemër, edhe njohja do të jetë e këndshme për shpirtin tënd,

të menduarit do të kujdeset për ty dhe gjykimi do të të mbrojë,

për të të çliruar nga rruga e keqe, nga njerëzit që flasin për gjëra të këqija,

nga ata që braktisin shtigjet e ndershmërisë për të ecur në rrugët e territ,

që gëzohen kur bëjnë të keqen dhe ndjejnë kënaqësi në çoroditjet e njeriut të keq,

shtigjet e të cilit janë të shtrembëra dhe rrugët dredha-dredha,

për të të shpëtuar nga gruaja që ka shkelur kurorën, nga gruaja e huaj që përdor fjalë mikluese,

që ka braktisur shokun e rinisë së saj dhe ka harruar marrëveshjen e lidhur me Perëndinë.

Sepse shtëpia e saj zbret drejt vdekjes dhe shtigjet e saj drejt të vdekurve.

Asnjë prej atyre që shkojnë tek ajo nuk kthehet, asnjë nuk i arrin shtigjet e jetës.

Kështu do të mund të ecësh në rrugën e të mirëve dhe do të mbetesh në shtigjet e të drejtëve.

Mos hyr në shtegun e të pabesëve dhe mos ec në rrugën e njerëzve të këqij;

evitoje atë, mos kalo nëpër të; largoju prej saj dhe shko tutje.

Lëreni budallallëkun dhe do të jetoni, ecni në rrugën e arsyes".

Kush punon tokën e tij do të ngopet me bukë, por ai që shkon pas kotësive është pa mend.

Largohu nga njeriu budalla sepse nuk do të gjesh dituri mbi buzët e tij.