Mfarakano na Kushindwa Kumkamata Yesu

40

Waliposikia maneno hayo, baadhi ya watu miongoni mwa ule umati wakasema, “Hakika huyu ndiye yule Nabii.”

41

Wengine wakasema, “Huyu ndiye Kristo!” Lakini wengine wakauliza, “Je, Kristo kwao ni Galilaya?

42

Je, Maandiko hayasemi kwamba Kristo atakuja kutoka jamaa ya Daudi na kutoka Bethlehemu, mji alioishi Daudi?”

43

Kwa hiyo watu wakagawanyika kwa ajili ya Yesu.

44

Baadhi yao walitaka kumkamata, lakini hakuna aliyethubutu kumgusa.

45

Hatimaye wale walinzi wa Hekalu wakarudi kwa viongozi wa makuhani na Mafarisayo waliokuwa wamewatuma ili kumkamata Yesu, wakaulizwa, “Mbona hamkumkamata?”

46

Wale walinzi wakajibu, “Kamwe hajanena mtu yeyote kama yeye anenavyo.”

47

Mafarisayo wakajibu, “Je, nanyi pia mmedanganyika?

48

Je, kuna kiongozi yeyote au mmoja wa Mafarisayo ambaye amemwamini?

49

Lakini huu umati wa watu wasiojua Sheria ya Mose, wamelaaniwa.”

50

Ndipo Nikodemo, yule aliyekuwa amemwendea Yesu siku moja usiku, ambaye alikuwa mmoja wao akauliza,

51

“Je, sheria zetu zinaturuhusu kumhukumu mtu kabla ya kumsikiliza na kufahamu alilotenda?”

52

Wakamjibu, “Je, wewe pia unatoka Galilaya? Chunguza nawe utaona kwamba hakuna nabii atokae Galilaya!” [

53

Kisha wakaondoka, kila mtu akarudi nyumbani kwake.

Reading Style

Typeface

Font Size 19px

Reading Width 45 chars

Options