Tumaini la waovu ladumu kwa muda mfupi

Ayubu 8:11-19

Je, mafunjo yaweza kumea mahali pasipo na matope? Matete yaweza kustawi bila maji?

Wakati bado yanaendelea kukua kabla ya kukatwa, hunyauka haraka kuliko majani mengine.

Huu ndio mwisho wa watu wote wanaomsahau Mungu; vivyo hivyo matumaini ya wasiomjali Mungu huangamia.

Lile analolitumainia huvunjika upesi; lile analolitegemea ni utando wa buibui.

Huutegemea utando wake, lakini hausimami; huungʼangʼania, lakini haudumu.

Yeye ni kama mti ulionyeshewa vizuri wakati wa jua, ukieneza machipukizi yake bustanini;

huifunganisha mizizi yake kwenye lundo la mawe, na kutafuta nafasi katikati ya mawe.

Unapongʼolewa kutoka mahali pake, ndipo mahali pale huukana na kusema, ‘Mimi kamwe sikukuona.’

Hakika uhai wake hunyauka, na kutoka udongoni mimea mingine huota.