יום של ריפויים

כ״ט

ויהי אחרי צאתם מבית הכנסת ויבאו ביתה שמעון ואנדרי המה ויעקב ויוחנן עמם׃

ל׳

וחמות שמעון שכבה אחוזת הקדחת וימהרו לדבר אליו עליה׃

ל״א

ויגש ויאחז בידה ויקימה ותרף ממנה הקדחת פתאם ותשרת אותם׃

ל״ב

ויהי בערב כבוא השמש ויביאו אליו את כל החולים ואת אחוזי השדים׃

ל״ג

וכל העיר נאספו יחדו פתח הבית׃

ל״ד

וירפא רבים אשר היו חולים חליים שונים ויגרש שדים הרבה ולא נתן את השדים לדבר כי ידעהו׃

ל״ה

וישכם ממחרת בעוד לילה ויצא וילך אל מקום חרבה ויתפלל שם׃

ל״ו

וירדפו אחריו שמעון והאנשים אשר אתו׃

ל״ז

וימצאהו ויאמרו אליו הנה כלם מבקשים אותך׃

ל״ח

ויאמר אליהם נעברה מזה אל ערי הפרזות הקרבות ואקרא גם שם כי בעבור זאת יצאתי׃

ל״ט

ויהי קרא בבתי כנסיותיהם בכל הגליל ויגרש את השדים׃