פסוקים על Vows

136 פסוקים · 38 היבטים

פסוקי מפתח

סינון לפי ספר
  1. וַיִּקְרָא כ״ג:ל״ז

    אלה מועדי יהוה אשר תקראו אתם מקראי קדש להקריב אשה ליהוה עלה ומנחה זבח ונסכים דבר יום ביומו׃

  2. וַיִּקְרָא כ״ג:ל״ח

    מלבד שבתת יהוה ומלבד מתנותיכם ומלבד כל נדריכם ומלבד כל נדבותיכם אשר תתנו ליהוה׃

  3. וַיִּקְרָא כ״ז:א׳

    ¶ וידבר יהוה אל משה לאמר׃

  4. וַיִּקְרָא כ״ז:ב׳

    דבר אל בני ישראל ואמרת אלהם איש כי יפלא נדר בערכך נפשת ליהוה׃

  5. וַיִּקְרָא כ״ז:ג׳

    והיה ערכך הזכר מבן עשרים שנה ועד בן ששים שנה והיה ערכך חמשים שקל כסף בשקל הקדש׃

  6. וַיִּקְרָא כ״ז:ד׳

    ואם נקבה הוא והיה ערכך שלשים שקל׃

  7. וַיִּקְרָא כ״ז:ה׳

    ואם מבן חמש שנים ועד בן עשרים שנה והיה ערכך הזכר עשרים שקלים ולנקבה עשרת שקלים׃

  8. וַיִּקְרָא כ״ז:ו׳

    ואם מבן חדש ועד בן חמש שנים והיה ערכך הזכר חמשה שקלים כסף ולנקבה ערכך שלשת שקלים כסף׃

  9. וַיִּקְרָא כ״ז:ז׳

    ואם מבן ששים שנה ומעלה אם זכר והיה ערכך חמשה עשר שקל ולנקבה עשרה שקלים׃

  10. וַיִּקְרָא כ״ז:ח׳

    ואם מך הוא מערכך והעמידו לפני הכהן והעריך אתו הכהן על פי אשר תשיג יד הנדר יעריכנו הכהן׃

  11. וַיִּקְרָא כ״ז:ט׳

    ואם בהמה אשר יקריבו ממנה קרבן ליהוה כל אשר יתן ממנו ליהוה יהיה קדש׃

  12. וַיִּקְרָא כ״ז:י׳

    לא יחליפנו ולא ימיר אתו טוב ברע או רע בטוב ואם המר ימיר בהמה בבהמה והיה הוא ותמורתו יהיה קדש׃

  13. וַיִּקְרָא כ״ז:י״א

    ואם כל בהמה טמאה אשר לא יקריבו ממנה קרבן ליהוה והעמיד את הבהמה לפני הכהן׃

  14. וַיִּקְרָא כ״ז:י״ב

    והעריך הכהן אתה בין טוב ובין רע כערכך הכהן כן יהיה׃

  15. וַיִּקְרָא כ״ז:י״ג

    ואם גאל יגאלנה ויסף חמישתו על ערכך׃

  16. וַיִּקְרָא כ״ז:י״ד

    ואיש כי יקדש את ביתו קדש ליהוה והעריכו הכהן בין טוב ובין רע כאשר יעריך אתו הכהן כן יקום׃

  17. וַיִּקְרָא כ״ז:ט״ו

    ואם המקדיש יגאל את ביתו ויסף חמישית כסף ערכך עליו והיה לו׃

  18. וַיִּקְרָא כ״ז:ט״ז

    ואם משדה אחזתו יקדיש איש ליהוה והיה ערכך לפי זרעו זרע חמר שערים בחמשים שקל כסף׃

  19. וַיִּקְרָא כ״ז:י״ז

    אם משנת היבל יקדיש שדהו כערכך יקום׃

  20. וַיִּקְרָא כ״ז:י״ח

    ואם אחר היבל יקדיש שדהו וחשב לו הכהן את הכסף על פי השנים הנותרת עד שנת היבל ונגרע מערכך׃

  21. וַיִּקְרָא כ״ז:י״ט

    ואם גאל יגאל את השדה המקדיש אתו ויסף חמשית כסף ערכך עליו וקם לו׃

  22. וַיִּקְרָא כ״ז:כ׳

    ואם לא יגאל את השדה ואם מכר את השדה לאיש אחר לא יגאל עוד׃

  23. וַיִּקְרָא כ״ז:כ״א

    והיה השדה בצאתו ביבל קדש ליהוה כשדה החרם לכהן תהיה אחזתו׃

  24. וַיִּקְרָא כ״ז:כ״ב

    ואם את שדה מקנתו אשר לא משדה אחזתו יקדיש ליהוה׃

  25. וַיִּקְרָא כ״ז:כ״ג

    וחשב לו הכהן את מכסת הערכך עד שנת היבל ונתן את הערכך ביום ההוא קדש ליהוה׃