פסוקים על Truth: Unclassified scriptures relating to truth

ויעבר יהוה על פניו ויקרא יהוה יהוה אל רחום וחנון ארך אפים ורב חסד ואמת׃

הצור תמים פעלו כי כל דרכיו משפט אל אמונה ואין עול צדיק וישר הוא׃

בידך אפקיד רוחי פדיתה אותי יהוה אל אמת׃

כי ישר דבר יהוה וכל מעשהו באמונה׃

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

הן אמת חפצת בטחות ובסתם חכמה תודיעני׃

ישלח משמים ויושיעני חרף שאפי סלה ישלח אלהים חסדו ואמתו׃

כי גדל עד שמים חסדך ועד שחקים אמתך׃

חסד ואמת נפגשו צדק ושלום נשקו׃

אמת מארץ תצמח וצדק משמים נשקף׃

ואתה אדני אל רחום וחנון ארך אפים ורב חסד ואמת׃

צדק ומשפט מכון כסאך חסד ואמת יקדמו פניך׃

לפני יהוה כי בא כי בא לשפט הארץ ישפט תבל בצדק ועמים באמונתו׃

זכר חסדו ואמונתו לבית ישראל ראו כל אפסי ארץ את ישועת אלהינו׃

כי טוב יהוה לעולם חסדו ועד דר ודר אמונתו׃

כי גדול מעל שמים חסדך ועד שחקים אמתך׃

שפת אמת תכון לעד ועד ארגיעה לשון שקר׃

רצון מלכים שפתי צדק ודבר ישרים יאהב׃

¶ יהוה אלהי אתה ארוממך אודה שמך כי עשית פלא עצות מרחוק אמונה אמן׃

והסג אחור משפט וצדקה מרחוק תעמד כי כשלה ברחוב אמת ונכחה לא תוכל לבוא׃

ותהי האמת נעדרת וסר מרע משתולל וירא יהוה וירע בעיניו כי אין משפט׃

אשר המתברך בארץ יתברך באלהי אמן והנשבע בארץ ישבע באלהי אמן כי נשכחו הצרות הראשנות וכי נסתרו מעיני׃

יהוה עיניך הלוא לאמונה הכיתה אתם ולא חלו כליתם מאנו קחת מוסר חזקו פניהם מסלע מאנו לשוב׃

כען אנה נבוכדנצר משבח ומרומם ומהדר למלך שמיא די כל מעבדוהי קשט וארחתה דין ודי מהלכין בגוה יכל להשפלה׃

אבל אגיד לך את הרשום בכתב אמת ואין אחד מתחזק עמי על אלה כי אם מיכאל שרכם׃