פסוקים על The Vine

66 פסוקים · 42 היבטים

פסוקי מפתח

סינון לפי ספר
  1. תְהִלִּים ק״ה:ל״ג

    ויך גפנם ותאנתם וישבר עץ גבולם׃

  2. תְהִלִּים קכ״ח:ג׳

    אשתך כגפן פריה בירכתי ביתך בניך כשתלי זיתים סביב לשלחנך׃

  3. שִׁיר הַשִּׁירִים ב׳:י״ג

    התאנה חנטה פגיה והגפנים סמדר נתנו ריח קומי לכי רעיתי יפתי ולכי לך׃

  4. שִׁיר הַשִּׁירִים ב׳:ט״ו

    אחזו לנו שועלים שועלים קטנים מחבלים כרמים וכרמינו סמדר׃

  5. שִׁיר הַשִּׁירִים ו׳:י״א

    אל גנת אגוז ירדתי לראות באבי הנחל לראות הפרחה הגפן הנצו הרמנים׃

  6. שִׁיר הַשִּׁירִים ז׳:ח׳

    אמרתי אעלה בתמר אחזה בסנסניו ויהיו נא שדיך כאשכלות הגפן וריח אפך כתפוחים׃

  7. יְשַׁעְיָהוּ ה׳:ב׳

    ויעזקהו ויסקלהו ויטעהו שרק ויבן מגדל בתוכו וגם יקב חצב בו ויקו לעשות ענבים ויעש באשים׃

  8. יְשַׁעְיָהוּ ה׳:ז׳

    כי כרם יהוה צבאות בית ישראל ואיש יהודה נטע שעשועיו ויקו למשפט והנה משפח לצדקה והנה צעקה׃

  9. יְשַׁעְיָהוּ ט״ז:ח׳

    כי שדמות חשבון אמלל גפן שבמה בעלי גוים הלמו שרוקיה עד יעזר נגעו תעו מדבר שלחותיה נטשו עברו ים׃

  10. יְשַׁעְיָהוּ ט״ז:ט׳

    על כן אבכה בבכי יעזר גפן שבמה אריוך דמעתי חשבון ואלעלה כי על קיצך ועל קצירך הידד נפל׃

  11. יְשַׁעְיָהוּ י״ח:ה׳

    כי לפני קציר כתם פרח ובסר גמל יהיה נצה וכרת הזלזלים במזמרות ואת הנטישות הסיר התז׃

  12. יִרְמְיָהוּ ב׳:כ״א

    ואנכי נטעתיך שרק כלה זרע אמת ואיך נהפכת לי סורי הגפן נכריה׃

  13. יִרְמְיָהוּ ח׳:י״ג

    אסף אסיפם נאם יהוה אין ענבים בגפן ואין תאנים בתאנה והעלה נבל ואתן להם יעברום׃

  14. יִרְמְיָהוּ ל״א:ה׳

    עוד תטעי כרמים בהרי שמרון נטעו נטעים וחללו׃

  15. יִרְמְיָהוּ ל״א:כ״ט

    בימים ההם לא יאמרו עוד אבות אכלו בסר ושני בנים תקהינה׃

  16. יִרְמְיָהוּ ל״א:ל׳

    כי אם איש בעונו ימות כל האדם האכל הבסר תקהינה שניו׃

  17. יְחֶזְקֵאל ט״ו:ב׳

    בן אדם מה יהיה עץ הגפן מכל עץ הזמורה אשר היה בעצי היער׃

  18. יְחֶזְקֵאל ט״ו:ג׳

    היקח ממנו עץ לעשות למלאכה אם יקחו ממנו יתד לתלות עליו כל כלי׃

  19. יְחֶזְקֵאל ט״ו:ד׳

    הנה לאש נתן לאכלה את שני קצותיו אכלה האש ותוכו נחר היצלח למלאכה׃

  20. יְחֶזְקֵאל ט״ו:ה׳

    הנה בהיותו תמים לא יעשה למלאכה אף כי אש אכלתהו ויחר ונעשה עוד למלאכה׃

  21. יְחֶזְקֵאל ט״ו:ו׳

    לכן כה אמר אדני יהוה כאשר עץ הגפן בעץ היער אשר נתתיו לאש לאכלה כן נתתי את ישבי ירושלם׃

  22. יְחֶזְקֵאל ט״ו:ז׳

    ונתתי את פני בהם מהאש יצאו והאש תאכלם וידעתם כי אני יהוה בשומי את פני בהם׃

  23. יְחֶזְקֵאל י״ז:ו׳

    ויצמח ויהי לגפן סרחת שפלת קומה לפנות דליותיו אליו ושרשיו תחתיו יהיו ותהי לגפן ותעש בדים ותשלח פארות׃

  24. יְחֶזְקֵאל י״ח:ב׳

    מה לכם אתם משלים את המשל הזה על אדמת ישראל לאמר אבות יאכלו בסר ושני הבנים תקהינה׃

  25. הוֹשֵׁעַ ב׳:י״ב

    והשמתי גפנה ותאנתה אשר אמרה אתנה המה לי אשר נתנו לי מאהבי ושמתים ליער ואכלתם חית השדה׃