פסוקים על The Providence of God

163 פסוקים · 41 היבטים

פסוקי מפתח

סינון לפי ספר
  1. יְשַׁעְיָהוּ י׳:ח׳

    כי יאמר הלא שרי יחדו מלכים׃

  2. יְשַׁעְיָהוּ י׳:ט׳

    הלא ככרכמיש כלנו אם לא כארפד חמת אם לא כדמשק שמרון׃

  3. יְשַׁעְיָהוּ י׳:י׳

    כאשר מצאה ידי לממלכת האליל ופסיליהם מירושלם ומשמרון׃

  4. יְשַׁעְיָהוּ י׳:י״א

    הלא כאשר עשיתי לשמרון ולאליליה כן אעשה לירושלם ולעצביה׃

  5. יְשַׁעְיָהוּ י׳:י״ב

    והיה כי יבצע אדני את כל מעשהו בהר ציון ובירושלם אפקד על פרי גדל לבב מלך אשור ועל תפארת רום עיניו׃

  6. יְשַׁעְיָהוּ י׳:י״ג

    כי אמר בכח ידי עשיתי ובחכמתי כי נבנותי ואסיר גבולת עמים ועתידתיהם שושתי ואוריד כאביר יושבים׃

  7. יְשַׁעְיָהוּ י׳:י״ד

    ותמצא כקן ידי לחיל העמים וכאסף ביצים עזבות כל הארץ אני אספתי ולא היה נדד כנף ופצה פה ומצפצף׃

  8. יְשַׁעְיָהוּ י׳:ט״ו

    היתפאר הגרזן על החצב בו אם יתגדל המשור על מניפו כהניף שבט את מרימיו כהרים מטה לא עץ׃

  9. יְשַׁעְיָהוּ י׳:ט״ז

    לכן ישלח האדון יהוה צבאות במשמניו רזון ותחת כבדו יקד יקד כיקוד אש׃

  10. יְשַׁעְיָהוּ י׳:י״ז

    והיה אור ישראל לאש וקדושו ללהבה ובערה ואכלה שיתו ושמירו ביום אחד׃

  11. יְשַׁעְיָהוּ כ״ז:ג׳

    אני יהוה נצרה לרגעים אשקנה פן יפקד עליה לילה ויום אצרנה׃

  12. יְשַׁעְיָהוּ ל״א:ה׳

    כצפרים עפות כן יגן יהוה צבאות על ירושלם גנון והציל פסח והמליט׃

  13. יְשַׁעְיָהוּ מ״ד:ז׳

    ומי כמוני יקרא ויגידה ויערכה לי משומי עם עולם ואתיות ואשר תבאנה יגידו למו׃

  14. יְשַׁעְיָהוּ נ׳:ב׳

    מדוע באתי ואין איש קראתי ואין עונה הקצור קצרה ידי מפדות ואם אין בי כח להציל הן בגערתי אחריב ים אשים נהרות מדבר תבאש דגתם מאין מים ותמת בצמא׃

  15. יְשַׁעְיָהוּ ס״ג:י״ב

    מוליך לימין משה זרוע תפארתו בוקע מים מפניהם לעשות לו שם עולם׃

  16. יְשַׁעְיָהוּ ס״ג:י״ד

    כבהמה בבקעה תרד רוח יהוה תניחנו כן נהגת עמך לעשות לך שם תפארת׃

  17. יְחֶזְקֵאל כ״ח:ב׳

    בן אדם אמר לנגיד צר כה אמר אדני יהוה יען גבה לבך ותאמר אל אני מושב אלהים ישבתי בלב ימים ואתה אדם ולא אל ותתן לבך כלב אלהים׃

  18. יְחֶזְקֵאל כ״ח:ג׳

    הנה חכם אתה מדנאל כל סתום לא עממוך׃

  19. יְחֶזְקֵאל כ״ח:ד׳

    בחכמתך ובתבונתך עשית לך חיל ותעש זהב וכסף באוצרותיך׃

  20. יְחֶזְקֵאל כ״ח:ה׳

    ברב חכמתך ברכלתך הרבית חילך ויגבה לבבך בחילך׃

  21. יְחֶזְקֵאל כ״ח:ו׳

    לכן כה אמר אדני יהוה יען תתך את לבבך כלב אלהים׃

  22. יְחֶזְקֵאל כ״ח:ז׳

    לכן הנני מביא עליך זרים עריצי גוים והריקו חרבותם על יפי חכמתך וחללו יפעתך׃

  23. יְחֶזְקֵאל כ״ח:ח׳

    לשחת יורדוך ומתה ממותי חלל בלב ימים׃

  24. יְחֶזְקֵאל כ״ח:ט׳

    האמר תאמר אלהים אני לפני הרגך ואתה אדם ולא אל ביד מחלליך׃

  25. יְחֶזְקֵאל כ״ח:י׳

    מותי ערלים תמות ביד זרים כי אני דברתי נאם אדני יהוה׃