פסוקים על The, or Immediate Government By God Theocracy: Proclaiming war

ויאמר יהוה אל משה כתב זאת זכרון בספר ושים באזני יהושע כי מחה אמחה את זכר עמלק מתחת השמים׃

ויבן משה מזבח ויקרא שמו יהוה נסי׃

ויאמר כי יד על כס יה מלחמה ליהוה בעמלק מדר דר׃

¶ וידבר יהוה אל משה לאמר׃

נקם נקמת בני ישראל מאת המדינים אחר תאסף אל עמיך׃

ויאמר יהוה אל יהושע ראה נתתי בידך את יריחו ואת מלכה גבורי החיל׃

וסבתם את העיר כל אנשי המלחמה הקיף את העיר פעם אחת כה תעשה ששת ימים׃

¶ ויאמר יהוה אל יהושע אל תירא ואל תחת קח עמך את כל עם המלחמה וקום עלה העי ראה נתתי בידך את מלך העי ואת עמו ואת עירו ואת ארצו׃