פסוקים על The, or Immediate Government By God Theocracy: Being the supreme judge

ויאמר אלהם משה עמדו ואשמעה מה יצוה יהוה לכם׃

וידבר יהוה אל משה לאמר׃

דבר אל בני ישראל לאמר איש איש כי יהיה טמא לנפש או בדרך רחקה לכם או לדרתיכם ועשה פסח ליהוה׃

בחדש השני בארבעה עשר יום בין הערבים יעשו אתו על מצות ומררים יאכלהו׃

ויניחו אתו במשמר כי לא פרש מה יעשה לו׃

ויאמר יהוה אל משה מות יומת האיש רגום אתו באבנים כל העדה מחוץ למחנה׃

ויקרב משה את משפטן לפני יהוה׃

ויאמר יהוה אל משה לאמר׃

כן בנות צלפחד דברת נתן תתן להם אחזת נחלה בתוך אחי אביהם והעברת את נחלת אביהן להן׃

ואל בני ישראל תדבר לאמר איש כי ימות ובן אין לו והעברתם את נחלתו לבתו׃

ואם אין לו בת ונתתם את נחלתו לאחיו׃

ואם אין לו אחים ונתתם את נחלתו לאחי אביו׃

ואם אין אחים לאביו ונתתם את נחלתו לשארו הקרב אליו ממשפחתו וירש אתה והיתה לבני ישראל לחקת משפט כאשר צוה יהוה את משה׃