פסוקים על Sorcery

47 פסוקים · 11 היבטים

פסוקי מפתח

סינון לפי ספר
  1. שְׁמֹות כ״ב:י״ח

    מכשפה לא תחיה׃

  2. וַיִּקְרָא י״ט:כ״ו

    לא תאכלו על הדם לא תנחשו ולא תעוננו׃

  3. וַיִּקְרָא י״ט:כ״ז

    לא תקפו פאת ראשכם ולא תשחית את פאת זקנך׃

  4. וַיִּקְרָא י״ט:כ״ח

    ושרט לנפש לא תתנו בבשרכם וכתבת קעקע לא תתנו בכם אני יהוה׃

  5. וַיִּקְרָא י״ט:ל״א

    אל תפנו אל האבת ואל הידענים אל תבקשו לטמאה בהם אני יהוה אלהיכם׃

  6. וַיִּקְרָא כ׳:ו׳

    והנפש אשר תפנה אל האבת ואל הידענים לזנות אחריהם ונתתי את פני בנפש ההוא והכרתי אתו מקרב עמו׃

  7. וַיִּקְרָא כ׳:כ״ז

    ואיש או אשה כי יהיה בהם אוב או ידעני מות יומתו באבן ירגמו אתם דמיהם בם׃

  8. דְּבָרִים י״ג:ה׳

    והנביא ההוא או חלם החלום ההוא יומת כי דבר סרה על יהוה אלהיכם המוציא אתכם מארץ מצרים והפדך מבית עבדים להדיחך מן הדרך אשר צוך יהוה אלהיך ללכת בה ובערת הרע מקרבך׃

  9. דְּבָרִים י״ח:ט׳

    כי אתה בא אל הארץ אשר יהוה אלהיך נתן לך לא תלמד לעשות כתועבת הגוים ההם׃

  10. דְּבָרִים י״ח:י׳

    לא ימצא בך מעביר בנו ובתו באש קסם קסמים מעונן ומנחש ומכשף׃

  11. דְּבָרִים י״ח:י״א

    וחבר חבר ושאל אוב וידעני ודרש אל המתים׃

  12. דְּבָרִים י״ח:י״ב

    כי תועבת יהוה כל עשה אלה ובגלל התועבת האלה יהוה אלהיך מוריש אותם מפניך׃

  13. דְּבָרִים י״ח:י״ג

    תמים תהיה עם יהוה אלהיך׃

  14. דְּבָרִים י״ח:י״ד

    כי הגוים האלה אשר אתה יורש אותם אל מעננים ואל קסמים ישמעו ואתה לא כן נתן לך יהוה אלהיך׃

  15. 1 שְׁמוּאֵל ט״ו:כ״ג

    כי חטאת קסם מרי ואון ותרפים הפצר יען מאסת את דבר יהוה וימאסך ממלך׃

  16. 1 שְׁמוּאֵל כ״ח:ז׳

    ויאמר שאול לעבדיו בקשו לי אשת בעלת אוב ואלכה אליה ואדרשה בה ויאמרו עבדיו אליו הנה אשת בעלת אוב בעין דור׃

  17. 1 שְׁמוּאֵל כ״ח:ח׳

    ויתחפש שאול וילבש בגדים אחרים וילך הוא ושני אנשים עמו ויבאו אל האשה לילה ויאמר קסומי נא לי באוב והעלי לי את אשר אמר אליך׃

  18. 1 שְׁמוּאֵל כ״ח:ט׳

    ותאמר האשה אליו הנה אתה ידעת את אשר עשה שאול אשר הכרית את האבות ואת הידעני מן הארץ ולמה אתה מתנקש בנפשי להמיתני׃

  19. 1 שְׁמוּאֵל כ״ח:י׳

    וישבע לה שאול ביהוה לאמר חי יהוה אם יקרך עון בדבר הזה׃

  20. 1 שְׁמוּאֵל כ״ח:י״א

    ותאמר האשה את מי אעלה לך ויאמר את שמואל העלי לי׃

  21. 1 שְׁמוּאֵל כ״ח:י״ב

    ותרא האשה את שמואל ותזעק בקול גדול ותאמר האשה אל שאול לאמר למה רמיתני ואתה שאול׃

  22. 1 שְׁמוּאֵל כ״ח:י״ג

    ויאמר לה המלך אל תיראי כי מה ראית ותאמר האשה אל שאול אלהים ראיתי עלים מן הארץ׃

  23. 1 שְׁמוּאֵל כ״ח:י״ד

    ויאמר לה מה תארו ותאמר איש זקן עלה והוא עטה מעיל וידע שאול כי שמואל הוא ויקד אפים ארצה וישתחו׃

  24. 1 שְׁמוּאֵל כ״ח:ט״ו

    ויאמר שמואל אל שאול למה הרגזתני להעלות אתי ויאמר שאול צר לי מאד ופלשתים נלחמים בי ואלהים סר מעלי ולא ענני עוד גם ביד הנביאם גם בחלמות ואקראה לך להודיעני מה אעשה׃

  25. 1 שְׁמוּאֵל כ״ח:ט״ז

    ויאמר שמואל ולמה תשאלני ויהוה סר מעליך ויהי ערך׃