פסוקים על Sodomites: Wickedness of

11 פסוקים · 5 היבטים

פסוקים על Wickedness of

  1. בְּרֵאשִׁית י״ט:ד׳

    טרם ישכבו ואנשי העיר אנשי סדם נסבו על הבית מנער ועד זקן כל העם מקצה׃

  2. בְּרֵאשִׁית י״ט:ה׳

    ויקראו אל לוט ויאמרו לו איה האנשים אשר באו אליך הלילה הוציאם אלינו ונדעה אתם׃

  3. בְּרֵאשִׁית י״ט:ו׳

    ויצא אלהם לוט הפתחה והדלת סגר אחריו׃

  4. בְּרֵאשִׁית י״ט:ז׳

    ויאמר אל נא אחי תרעו׃

  5. בְּרֵאשִׁית י״ט:ח׳

    הנה נא לי שתי בנות אשר לא ידעו איש אוציאה נא אתהן אליכם ועשו להן כטוב בעיניכם רק לאנשים האל אל תעשו דבר כי על כן באו בצל קרתי׃

  6. בְּרֵאשִׁית י״ט:ט׳

    ויאמרו גש הלאה ויאמרו האחד בא לגור וישפט שפוט עתה נרע לך מהם ויפצרו באיש בלוט מאד ויגשו לשבר הדלת׃

  7. בְּרֵאשִׁית י״ט:י׳

    וישלחו האנשים את ידם ויביאו את לוט אליהם הביתה ואת הדלת סגרו׃

  8. בְּרֵאשִׁית י״ט:י״א

    ואת האנשים אשר פתח הבית הכו בסנורים מקטן ועד גדול וילאו למצא הפתח׃

  9. בְּרֵאשִׁית י״ט:י״ב

    ויאמרו האנשים אל לוט עד מי לך פה חתן ובניך ובנתיך וכל אשר לך בעיר הוצא מן המקום׃

  10. בְּרֵאשִׁית י״ט:י״ג

    כי משחתים אנחנו את המקום הזה כי גדלה צעקתם את פני יהוה וישלחנו יהוה לשחתה׃

  11. בְּרֵאשִׁית י״ט:י״ד

    ויצא לוט וידבר אל חתניו לקחי בנתיו ויאמר קומו צאו מן המקום הזה כי משחית יהוה את העיר ויהי כמצחק בעיני חתניו׃