פסוקים על Silver

103 פסוקים · 57 היבטים

פסוקי מפתח

סינון לפי ספר
  1. יְהוֹשֻעַ ו׳:י״ט

    וכל כסף וזהב וכלי נחשת וברזל קדש הוא ליהוה אוצר יהוה יבוא׃

  2. 2 שְׁמוּאֵל ח׳:י׳

    וישלח תעי את יורם בנו אל המלך דוד לשאל לו לשלום ולברכו על אשר נלחם בהדדעזר ויכהו כי איש מלחמות תעי היה הדדעזר ובידו היו כלי כסף וכלי זהב וכלי נחשת׃

  3. 2 שְׁמוּאֵל ח׳:י״א

    גם אתם הקדיש המלך דוד ליהוה עם הכסף והזהב אשר הקדיש מכל הגוים אשר כבש׃

  4. 1 מְלָכִים י׳:כ״א

    וכל כלי משקה המלך שלמה זהב וכל כלי בית יער הלבנון זהב סגור אין כסף לא נחשב בימי שלמה למאומה׃

  5. 1 מְלָכִים י׳:כ״ב

    כי אני תרשיש למלך בים עם אני חירם אחת לשלש שנים תבוא אני תרשיש נשאת זהב וכסף שנהבים וקפים ותכיים׃

  6. 1 מְלָכִים י׳:כ״ה

    והמה מבאים איש מנחתו כלי כסף וכלי זהב ושלמות ונשק ובשמים סוסים ופרדים דבר שנה בשנה׃

  7. 1 מְלָכִים י׳:כ״ז

    ויתן המלך את הכסף בירושלם כאבנים ואת הארזים נתן כשקמים אשר בשפלה לרב׃

  8. 1 מְלָכִים ט״ו:ט״ו

    ויבא את קדשי אביו וקדשו בית יהוה כסף וזהב וכלים׃

  9. 1 מְלָכִים ט״ז:כ״ד

    ויקן את ההר שמרון מאת שמר בככרים כסף ויבן את ההר ויקרא את שם העיר אשר בנה על שם שמר אדני ההר שמרון׃

  10. 2 מְלָכִים ה׳:ה׳

    ויאמר מלך ארם לך בא ואשלחה ספר אל מלך ישראל וילך ויקח בידו עשר ככרי כסף וששת אלפים זהב ועשר חליפות בגדים׃

  11. 2 מְלָכִים ה׳:כ״ג

    ויאמר נעמן הואל קח ככרים ויפרץ בו ויצר ככרים כסף בשני חרטים ושתי חלפות בגדים ויתן אל שני נעריו וישאו לפניו׃

  12. 2 מְלָכִים י״ב:י״ג

    אך לא יעשה בית יהוה ספות כסף מזמרות מזרקות חצצרות כל כלי זהב וכלי כסף מן הכסף המובא בית יהוה׃

  13. 1 דִּבְרֵי הַיָּמִים י״ח:י׳

    וישלח את הדורם בנו אל המלך דויד לשאול לו לשלום ולברכו על אשר נלחם בהדדעזר ויכהו כי איש מלחמות תעו היה הדדעזר וכל כלי זהב וכסף ונחשת׃

  14. 1 דִּבְרֵי הַיָּמִים כ״ב:י״ד

    והנה בעניי הכינותי לבית יהוה זהב ככרים מאה אלף וכסף אלף אלפים ככרים ולנחשת ולברזל אין משקל כי לרב היה ועצים ואבנים הכינותי ועליהם תוסיף׃

  15. 1 דִּבְרֵי הַיָּמִים כ״ח:י״ד

    לזהב במשקל לזהב לכל כלי עבודה ועבודה לכל כלי הכסף במשקל לכל כלי עבודה ועבודה׃

  16. 1 דִּבְרֵי הַיָּמִים כ״ח:ט״ו

    ומשקל למנרות הזהב ונרתיהם זהב במשקל מנורה ומנורה ונרתיה ולמנרות הכסף במשקל למנורה ונרתיה כעבודת מנורה ומנורה׃

  17. 1 דִּבְרֵי הַיָּמִים כ״ח:ט״ז

    ואת הזהב משקל לשלחנות המערכת לשלחן ושלחן וכסף לשלחנות הכסף׃

  18. 1 דִּבְרֵי הַיָּמִים כ״ט:ב׳

    וככל כחי הכינותי לבית אלהי הזהב לזהב והכסף לכסף והנחשת לנחשת הברזל לברזל והעצים לעצים אבני שהם ומלואים אבני פוך ורקמה וכל אבן יקרה ואבני שיש לרב׃

  19. 1 דִּבְרֵי הַיָּמִים כ״ט:ג׳

    ועוד ברצותי בבית אלהי יש לי סגלה זהב וכסף נתתי לבית אלהי למעלה מכל הכינותי לבית הקדש׃

  20. 1 דִּבְרֵי הַיָּמִים כ״ט:ד׳

    שלשת אלפים ככרי זהב מזהב אופיר ושבעת אלפים ככר כסף מזקק לטוח קירות הבתים׃

  21. 1 דִּבְרֵי הַיָּמִים כ״ט:ה׳

    לזהב לזהב ולכסף לכסף ולכל מלאכה ביד חרשים ומי מתנדב למלאות ידו היום ליהוה׃

  22. 1 דִּבְרֵי הַיָּמִים כ״ט:ו׳

    ויתנדבו שרי האבות ושרי שבטי ישראל ושרי האלפים והמאות ולשרי מלאכת המלך׃

  23. 1 דִּבְרֵי הַיָּמִים כ״ט:ז׳

    ויתנו לעבודת בית האלהים זהב ככרים חמשת אלפים ואדרכנים רבו וכסף ככרים עשרת אלפים ונחשת רבו ושמונת אלפים ככרים וברזל מאה אלף ככרים׃

  24. 1 דִּבְרֵי הַיָּמִים כ״ט:ח׳

    והנמצא אתו אבנים נתנו לאוצר בית יהוה על יד יחיאל הגרשני׃

  25. 1 דִּבְרֵי הַיָּמִים כ״ט:ט׳

    וישמחו העם על התנדבם כי בלב שלם התנדבו ליהוה וגם דויד המלך שמח שמחה גדולה׃