פסוקים על Sanctification

117 פסוקים · 28 היבטים

פסוקי מפתח

סינון לפי ספר
  1. בְּרֵאשִׁית ב׳:ג׳

    ויברך אלהים את יום השביעי ויקדש אתו כי בו שבת מכל מלאכתו אשר ברא אלהים לעשות׃

  2. שְׁמֹות י״ג:ב׳

    קדש לי כל בכור פטר כל רחם בבני ישראל באדם ובבהמה לי הוא׃

  3. שְׁמֹות י״ט:י׳

    ויאמר יהוה אל משה לך אל העם וקדשתם היום ומחר וכבסו שמלתם׃

  4. שְׁמֹות י״ט:י״ד

    וירד משה מן ההר אל העם ויקדש את העם ויכבסו שמלתם׃

  5. שְׁמֹות כ״ט:ל״ז

    שבעת ימים תכפר על המזבח וקדשת אתו והיה המזבח קדש קדשים כל הנגע במזבח יקדש׃

  6. שְׁמֹות כ״ט:מ״ג

    ונעדתי שמה לבני ישראל ונקדש בכבדי׃

  7. שְׁמֹות ל׳:כ״ט

    וקדשת אתם והיו קדש קדשים כל הנגע בהם יקדש׃

  8. שְׁמֹות ל״א:י״ג

    ואתה דבר אל בני ישראל לאמר אך את שבתתי תשמרו כי אות הוא ביני וביניכם לדרתיכם לדעת כי אני יהוה מקדשכם׃

  9. שְׁמֹות ל״ג:ט״ז

    ובמה יודע אפוא כי מצאתי חן בעיניך אני ועמך הלוא בלכתך עמנו ונפלינו אני ועמך מכל העם אשר על פני האדמה׃

  10. שְׁמֹות מ׳:ט׳

    ולקחת את שמן המשחה ומשחת את המשכן ואת כל אשר בו וקדשת אתו ואת כל כליו והיה קדש׃

  11. שְׁמֹות מ׳:י׳

    ומשחת את מזבח העלה ואת כל כליו וקדשת את המזבח והיה המזבח קדש קדשים׃

  12. שְׁמֹות מ׳:י״א

    ומשחת את הכיר ואת כנו וקדשת אתו׃

  13. שְׁמֹות מ׳:י״ב

    והקרבת את אהרן ואת בניו אל פתח אהל מועד ורחצת אתם במים׃

  14. שְׁמֹות מ׳:י״ג

    והלבשת את אהרן את בגדי הקדש ומשחת אתו וקדשת אתו וכהן לי׃

  15. שְׁמֹות מ׳:י״ד

    ואת בניו תקריב והלבשת אתם כתנת׃

  16. שְׁמֹות מ׳:ט״ו

    ומשחת אתם כאשר משחת את אביהם וכהנו לי והיתה להית להם משחתם לכהנת עולם לדרתם׃

  17. שְׁמֹות מ׳:ל״ד

    ויכס הענן את אהל מועד וכבוד יהוה מלא את המשכן׃

  18. שְׁמֹות מ׳:ל״ה

    ולא יכל משה לבוא אל אהל מועד כי שכן עליו הענן וכבוד יהוה מלא את המשכן׃

  19. וַיִּקְרָא כ׳:ח׳

    ושמרתם את חקתי ועשיתם אתם אני יהוה מקדשכם׃

  20. וַיִּקְרָא כ״א:א׳

    ¶ ויאמר יהוה אל משה אמר אל הכהנים בני אהרן ואמרת אלהם לנפש לא יטמא בעמיו׃

  21. וַיִּקְרָא כ״א:ב׳

    כי אם לשארו הקרב אליו לאמו ולאביו ולבנו ולבתו ולאחיו׃

  22. וַיִּקְרָא כ״א:ג׳

    ולאחתו הבתולה הקרובה אליו אשר לא היתה לאיש לה יטמא׃

  23. וַיִּקְרָא כ״א:ד׳

    לא יטמא בעל בעמיו להחלו׃

  24. וַיִּקְרָא כ״א:ה׳

    לא יקרחה קרחה בראשם ופאת זקנם לא יגלחו ובבשרם לא ישרטו שרטת׃

  25. וַיִּקְרָא כ״א:ו׳

    קדשים יהיו לאלהיהם ולא יחללו שם אלהיהם כי את אשי יהוה לחם אלהיהם הם מקריבם והיו קדש׃