פסוקים על Religious Revivals

22 פסוקים · 4 היבטים

פסוקי מפתח

  1. 2 מְלָכִים י״ח:א׳

    ¶ ויהי בשנת שלש להושע בן אלה מלך ישראל מלך חזקיה בן אחז מלך יהודה׃

  2. 2 מְלָכִים י״ח:ב׳

    בן עשרים וחמש שנה היה במלכו ועשרים ותשע שנה מלך בירושלם ושם אמו אבי בת זכריה׃

  3. 2 מְלָכִים י״ח:ג׳

    ויעש הישר בעיני יהוה ככל אשר עשה דוד אביו׃

  4. 2 מְלָכִים י״ח:ד׳

    הוא הסיר את הבמות ושבר את המצבת וכרת את האשרה וכתת נחש הנחשת אשר עשה משה כי עד הימים ההמה היו בני ישראל מקטרים לו ויקרא לו נחשתן׃

  5. 2 מְלָכִים י״ח:ה׳

    ביהוה אלהי ישראל בטח ואחריו לא היה כמהו בכל מלכי יהודה ואשר היו לפניו׃

  6. 2 מְלָכִים י״ח:ו׳

    וידבק ביהוה לא סר מאחריו וישמר מצותיו אשר צוה יהוה את משה׃

  7. 2 מְלָכִים י״ח:ז׳

    והיה יהוה עמו בכל אשר יצא ישכיל וימרד במלך אשור ולא עבדו׃

  8. יְשַׁעְיָהוּ ל״ב:ט״ו

    עד יערה עלינו רוח ממרום והיה מדבר לכרמל וכרמל ליער יחשב׃

  9. יוֹאֵל ב׳:כ״ח

    והיה אחרי כן אשפוך את רוחי על כל בשר ונבאו בניכם ובנותיכם זקניכם חלמות יחלמון בחוריכם חזינות יראו׃

  10. מִיכָה ד׳:א׳

    ¶ והיה באחרית הימים יהיה הר בית יהוה נכון בראש ההרים ונשא הוא מגבעות ונהרו עליו עמים׃

  11. מִיכָה ד׳:ב׳

    והלכו גוים רבים ואמרו לכו ונעלה אל הר יהוה ואל בית אלהי יעקב ויורנו מדרכיו ונלכה בארחתיו כי מציון תצא תורה ודבר יהוה מירושלם׃

  12. מִיכָה ד׳:ג׳

    ושפט בין עמים רבים והוכיח לגוים עצמים עד רחוק וכתתו חרבתיהם לאתים וחניתתיהם למזמרות לא ישאו גוי אל גוי חרב ולא ילמדון עוד מלחמה׃

  13. מִיכָה ד׳:ד׳

    וישבו איש תחת גפנו ותחת תאנתו ואין מחריד כי פי יהוה צבאות דבר׃

  14. מִיכָה ד׳:ה׳

    כי כל העמים ילכו איש בשם אלהיו ואנחנו נלך בשם יהוה אלהינו לעולם ועד׃

  15. מִיכָה ד׳:ו׳

    ביום ההוא נאם יהוה אספה הצלעה והנדחה אקבצה ואשר הרעתי׃

  16. מִיכָה ד׳:ז׳

    ושמתי את הצלעה לשארית והנהלאה לגוי עצום ומלך יהוה עליהם בהר ציון מעתה ועד עולם׃

  17. מִיכָה ד׳:ח׳

    ואתה מגדל עדר עפל בת ציון עדיך תאתה ובאה הממשלה הראשנה ממלכת לבת ירושלם׃

  18. חֲבַקּוּק ג׳:ב׳

    יהוה שמעתי שמעך יראתי יהוה פעלך בקרב שנים חייהו בקרב שנים תודיע ברגז רחם תזכור׃

  19. זְכַרְיָה ח׳:כ׳

    כה אמר יהוה צבאות עד אשר יבאו עמים וישבי ערים רבות׃

  20. זְכַרְיָה ח׳:כ״א

    והלכו ישבי אחת אל אחת לאמר נלכה הלוך לחלות את פני יהוה ולבקש את יהוה צבאות אלכה גם אני׃

  21. זְכַרְיָה ח׳:כ״ב

    ובאו עמים רבים וגוים עצומים לבקש את יהוה צבאות בירושלם ולחלות את פני יהוה׃

  22. זְכַרְיָה ח׳:כ״ג

    כה אמר יהוה צבאות בימים ההמה אשר יחזיקו עשרה אנשים מכל לשנות הגוים והחזיקו בכנף איש יהודי לאמר נלכה עמכם כי שמענו אלהים עמכם׃