פסוקים על Reconnaissance

34 פסוקים · 3 היבטים

פסוקי מפתח

סינון לפי ספר
  1. שֹׁפְטִים י״ח:ב׳

    וישלחו בני דן ממשפחתם חמשה אנשים מקצותם אנשים בני חיל מצרעה ומאשתאל לרגל את הארץ ולחקרה ויאמרו אלהם לכו חקרו את הארץ ויבאו הר אפרים עד בית מיכה וילינו שם׃

  2. שֹׁפְטִים י״ח:ג׳

    המה עם בית מיכה והמה הכירו את קול הנער הלוי ויסורו שם ויאמרו לו מי הביאך הלם ומה אתה עשה בזה ומה לך פה׃

  3. שֹׁפְטִים י״ח:ד׳

    ויאמר אלהם כזה וכזה עשה לי מיכה וישכרני ואהי לו לכהן׃

  4. שֹׁפְטִים י״ח:ה׳

    ויאמרו לו שאל נא באלהים ונדעה התצליח דרכנו אשר אנחנו הלכים עליה׃

  5. שֹׁפְטִים י״ח:ו׳

    ויאמר להם הכהן לכו לשלום נכח יהוה דרככם אשר תלכו בה׃

  6. שֹׁפְטִים י״ח:ז׳

    וילכו חמשת האנשים ויבאו לישה ויראו את העם אשר בקרבה יושבת לבטח כמשפט צדנים שקט ובטח ואין מכלים דבר בארץ יורש עצר ורחקים המה מצדנים ודבר אין להם עם אדם׃

  7. שֹׁפְטִים י״ח:ח׳

    ויבאו אל אחיהם צרעה ואשתאל ויאמרו להם אחיהם מה אתם׃

  8. שֹׁפְטִים י״ח:ט׳

    ויאמרו קומה ונעלה עליהם כי ראינו את הארץ והנה טובה מאד ואתם מחשים אל תעצלו ללכת לבא לרשת את הארץ׃

  9. שֹׁפְטִים י״ח:י׳

    כבאכם תבאו אל עם בטח והארץ רחבת ידים כי נתנה אלהים בידכם מקום אשר אין שם מחסור כל דבר אשר בארץ׃