פסוקים על Purity

אמרות יהוה אמרות טהרות כסף צרוף בעליל לארץ מזקק שבעתים׃

פקודי יהוה ישרים משמחי לב מצות יהוה ברה מאירת עינים׃

מי יעלה בהר יהוה ומי יקום במקום קדשו׃

נקי כפים ובר לבב אשר לא נשא לשוא נפשי ולא נשבע למרמה׃

ישא ברכה מאת יהוה וצדקה מאלהי ישעו׃

תחטאני באזוב ואטהר תכבסני ומשלג אלבין׃

דברי עונת גברו מני פשעינו אתה תכפרם׃

צרופה אמרתך מאד ועבדך אהבה׃

תועבת יהוה מחשבות רע וטהרים אמרי נעם׃

מי יאמר זכיתי לבי טהרתי מחטאתי׃

הפכפך דרך איש וזר וזך ישר פעלו׃

דור טהור בעיניו ומצאתו לא רחץ׃

לכו נא ונוכחה יאמר יהוה אם יהיו חטאיכם כשנים כשלג ילבינו אם יאדימו כתולע כצמר יהיו׃

ואשיבה ידי עליך ואצרף כבר סיגיך ואסירה כל בדיליך׃

ויגע על פי ויאמר הנה נגע זה על שפתיך וסר עונך וחטאתך תכפר׃

יתבררו ויתלבנו ויצרפו רבים והרשיעו רשעים ולא יבינו כל רשעים והמשכלים יבינו׃

האזכה במאזני רשע ובכיס אבני מרמה׃

ומי מכלכל את יום בואו ומי העמד בהראותו כי הוא כאש מצרף וכברית מכבסים׃

וישב מצרף ומטהר כסף וטהר את בני לוי וזקק אתם כזהב וככסף והיו ליהוה מגישי מנחה בצדקה׃

אשרי ברי לבב כי הם יחזו את האלהים׃

כל שריג בי אשר איננו עשה פרי יסירנו ואשר יעשה פרי יטהרנו להרבות את פריו׃

ובכן אחי כל אשר הוא אמת ונכבד וישר וטהור ונעים ואשר שמעו טוב כל מעשה צדק כל מעשה שבח על אלה תשימו לבבכם׃

כי תכלית המצוה היא האהבה בלב טהור וברוח טובה ובאמונה לא צבועה׃

כי אם ישמרו את סוד האמונה ברוח טהורה׃

אל תהי נמהר בסמיכת ידיך על אדם ולא תשתתף לחטאת אחרים שמר את נפשך בטהרה׃