פסוקים על Purifications

66 פסוקים · 25 היבטים

פסוקי מפתח

סינון לפי ספר
  1. שְׁמֹות י״ד:כ״ב

    ויבאו בני ישראל בתוך הים ביבשה והמים להם חמה מימינם ומשמאלם׃

  2. שְׁמֹות י״ט:י׳

    ויאמר יהוה אל משה לך אל העם וקדשתם היום ומחר וכבסו שמלתם׃

  3. שְׁמֹות כ״ד:ה׳

    וישלח את נערי בני ישראל ויעלו עלת ויזבחו זבחים שלמים ליהוה פרים׃

  4. שְׁמֹות כ״ד:ו׳

    ויקח משה חצי הדם וישם באגנת וחצי הדם זרק על המזבח׃

  5. שְׁמֹות כ״ד:ז׳

    ויקח ספר הברית ויקרא באזני העם ויאמרו כל אשר דבר יהוה נעשה ונשמע׃

  6. שְׁמֹות כ״ד:ח׳

    ויקח משה את הדם ויזרק על העם ויאמר הנה דם הברית אשר כרת יהוה עמכם על כל הדברים האלה׃

  7. שְׁמֹות כ״ט:ד׳

    ואת אהרן ואת בניו תקריב אל פתח אהל מועד ורחצת אתם במים׃

  8. שְׁמֹות ל׳:י״ח

    ועשית כיור נחשת וכנו נחשת לרחצה ונתת אתו בין אהל מועד ובין המזבח ונתת שמה מים׃

  9. שְׁמֹות ל׳:י״ט

    ורחצו אהרן ובניו ממנו את ידיהם ואת רגליהם׃

  10. וַיִּקְרָא ח׳:ו׳

    ויקרב משה את אהרן ואת בניו וירחץ אתם במים׃

  11. וַיִּקְרָא י״ד:ח׳

    וכבס המטהר את בגדיו וגלח את כל שערו ורחץ במים וטהר ואחר יבוא אל המחנה וישב מחוץ לאהלו שבעת ימים׃

  12. וַיִּקְרָא י״ד:ט׳

    והיה ביום השביעי יגלח את כל שערו את ראשו ואת זקנו ואת גבת עיניו ואת כל שערו יגלח וכבס את בגדיו ורחץ את בשרו במים וטהר׃

  13. וַיִּקְרָא ט״ו:ב׳

    דברו אל בני ישראל ואמרתם אלהם איש איש כי יהיה זב מבשרו זובו טמא הוא׃

  14. וַיִּקְרָא ט״ו:ג׳

    וזאת תהיה טמאתו בזובו רר בשרו את זובו או החתים בשרו מזובו טמאתו הוא׃

  15. וַיִּקְרָא ט״ו:ד׳

    כל המשכב אשר ישכב עליו הזב יטמא וכל הכלי אשר ישב עליו יטמא׃

  16. וַיִּקְרָא ט״ו:ה׳

    ואיש אשר יגע במשכבו יכבס בגדיו ורחץ במים וטמא עד הערב׃

  17. וַיִּקְרָא ט״ו:ו׳

    והישב על הכלי אשר ישב עליו הזב יכבס בגדיו ורחץ במים וטמא עד הערב׃

  18. וַיִּקְרָא ט״ו:ז׳

    והנגע בבשר הזב יכבס בגדיו ורחץ במים וטמא עד הערב׃

  19. וַיִּקְרָא ט״ו:ח׳

    וכי ירק הזב בטהור וכבס בגדיו ורחץ במים וטמא עד הערב׃

  20. וַיִּקְרָא ט״ו:ט׳

    וכל המרכב אשר ירכב עליו הזב יטמא׃

  21. וַיִּקְרָא ט״ו:י׳

    וכל הנגע בכל אשר יהיה תחתיו יטמא עד הערב והנושא אותם יכבס בגדיו ורחץ במים וטמא עד הערב׃

  22. וַיִּקְרָא ט״ו:י״א

    וכל אשר יגע בו הזב וידיו לא שטף במים וכבס בגדיו ורחץ במים וטמא עד הערב׃

  23. וַיִּקְרָא ט״ו:י״ב

    וכלי חרש אשר יגע בו הזב ישבר וכל כלי עץ ישטף במים׃

  24. וַיִּקְרָא ט״ו:י״ג

    וכי יטהר הזב מזובו וספר לו שבעת ימים לטהרתו וכבס בגדיו ורחץ בשרו במים חיים וטהר׃

  25. וַיִּקְרָא ט״ז:ד׳

    כתנת בד קדש ילבש ומכנסי בד יהיו על בשרו ובאבנט בד יחגר ובמצנפת בד יצנף בגדי קדש הם ורחץ במים את בשרו ולבשם׃