פסוקים על Private Prayer: Jeremiah

10 פסוקים · 28 היבטים

פסוקים על Jeremiah

  1. יִרְמְיָהוּ ל״ב:ט״ז

    ואתפלל אל יהוה אחרי תתי את ספר המקנה אל ברוך בן נריה לאמר׃

  2. יִרְמְיָהוּ ל״ב:י״ז

    אהה אדני יהוה הנה אתה עשית את השמים ואת הארץ בכחך הגדול ובזרעך הנטויה לא יפלא ממך כל דבר׃

  3. יִרְמְיָהוּ ל״ב:י״ח

    עשה חסד לאלפים ומשלם עון אבות אל חיק בניהם אחריהם האל הגדול הגבור יהוה צבאות שמו׃

  4. יִרְמְיָהוּ ל״ב:י״ט

    גדל העצה ורב העליליה אשר עיניך פקחות על כל דרכי בני אדם לתת לאיש כדרכיו וכפרי מעלליו׃

  5. יִרְמְיָהוּ ל״ב:כ׳

    אשר שמת אתות ומפתים בארץ מצרים עד היום הזה ובישראל ובאדם ותעשה לך שם כיום הזה׃

  6. יִרְמְיָהוּ ל״ב:כ״א

    ותצא את עמך את ישראל מארץ מצרים באתות ובמופתים וביד חזקה ובאזרוע נטויה ובמורא גדול׃

  7. יִרְמְיָהוּ ל״ב:כ״ב

    ותתן להם את הארץ הזאת אשר נשבעת לאבותם לתת להם ארץ זבת חלב ודבש׃

  8. יִרְמְיָהוּ ל״ב:כ״ג

    ויבאו וירשו אתה ולא שמעו בקולך ובתרותך לא הלכו את כל אשר צויתה להם לעשות לא עשו ותקרא אתם את כל הרעה הזאת׃

  9. יִרְמְיָהוּ ל״ב:כ״ד

    הנה הסללות באו העיר ללכדה והעיר נתנה ביד הכשדים הנלחמים עליה מפני החרב והרעב והדבר ואשר דברת היה והנך ראה׃

  10. יִרְמְיָהוּ ל״ב:כ״ה

    ואתה אמרת אלי אדני יהוה קנה לך השדה בכסף והעד עדים והעיר נתנה ביד הכשדים׃