פסוקים על Private Prayer: David

12 פסוקים · 28 היבטים

פסוקים על David

  1. 2 שְׁמוּאֵל ז׳:י״ח

    ויבא המלך דוד וישב לפני יהוה ויאמר מי אנכי אדני יהוה ומי ביתי כי הביאתני עד הלם׃

  2. 2 שְׁמוּאֵל ז׳:י״ט

    ותקטן עוד זאת בעיניך אדני יהוה ותדבר גם אל בית עבדך למרחוק וזאת תורת האדם אדני יהוה׃

  3. 2 שְׁמוּאֵל ז׳:כ׳

    ומה יוסיף דוד עוד לדבר אליך ואתה ידעת את עבדך אדני יהוה׃

  4. 2 שְׁמוּאֵל ז׳:כ״א

    בעבור דברך וכלבך עשית את כל הגדולה הזאת להודיע את עבדך׃

  5. 2 שְׁמוּאֵל ז׳:כ״ב

    על כן גדלת אדני יהוה כי אין כמוך ואין אלהים זולתך בכל אשר שמענו באזנינו׃

  6. 2 שְׁמוּאֵל ז׳:כ״ג

    ומי כעמך כישראל גוי אחד בארץ אשר הלכו אלהים לפדות לו לעם ולשום לו שם ולעשות לכם הגדולה ונראות לארצך מפני עמך אשר פדית לך ממצרים גוים ואלהיו׃

  7. 2 שְׁמוּאֵל ז׳:כ״ד

    ותכונן לך את עמך ישראל לך לעם עד עולם ואתה יהוה היית להם לאלהים׃

  8. 2 שְׁמוּאֵל ז׳:כ״ה

    ועתה יהוה אלהים הדבר אשר דברת על עבדך ועל ביתו הקם עד עולם ועשה כאשר דברת׃

  9. 2 שְׁמוּאֵל ז׳:כ״ו

    ויגדל שמך עד עולם לאמר יהוה צבאות אלהים על ישראל ובית עבדך דוד יהיה נכון לפניך׃

  10. 2 שְׁמוּאֵל ז׳:כ״ז

    כי אתה יהוה צבאות אלהי ישראל גליתה את אזן עבדך לאמר בית אבנה לך על כן מצא עבדך את לבו להתפלל אליך את התפלה הזאת׃

  11. 2 שְׁמוּאֵל ז׳:כ״ח

    ועתה אדני יהוה אתה הוא האלהים ודבריך יהיו אמת ותדבר אל עבדך את הטובה הזאת׃

  12. 2 שְׁמוּאֵל ז׳:כ״ט

    ועתה הואל וברך את בית עבדך להיות לעולם לפניך כי אתה אדני יהוה דברת ומברכתך יברך בית עבדך לעולם׃