פסוקים על Priests

407 פסוקים · 86 היבטים

פסוקי מפתח

סינון לפי ספר
  1. שְׁמֹות כ״ט:י״ד

    ואת בשר הפר ואת ערו ואת פרשו תשרף באש מחוץ למחנה חטאת הוא׃

  2. שְׁמֹות כ״ט:ט״ו

    ואת האיל האחד תקח וסמכו אהרן ובניו את ידיהם על ראש האיל׃

  3. שְׁמֹות כ״ט:ט״ז

    ושחטת את האיל ולקחת את דמו וזרקת על המזבח סביב׃

  4. שְׁמֹות כ״ט:י״ז

    ואת האיל תנתח לנתחיו ורחצת קרבו וכרעיו ונתת על נתחיו ועל ראשו׃

  5. שְׁמֹות כ״ט:י״ח

    והקטרת את כל האיל המזבחה עלה הוא ליהוה ריח ניחוח אשה ליהוה הוא׃

  6. שְׁמֹות כ״ט:י״ט

    ולקחת את האיל השני וסמך אהרן ובניו את ידיהם על ראש האיל׃

  7. שְׁמֹות כ״ט:כ׳

    ושחטת את האיל ולקחת מדמו ונתתה על תנוך אזן אהרן ועל תנוך אזן בניו הימנית ועל בהן ידם הימנית ועל בהן רגלם הימנית וזרקת את הדם על המזבח סביב׃

  8. שְׁמֹות כ״ט:כ״א

    ולקחת מן הדם אשר על המזבח ומשמן המשחה והזית על אהרן ועל בגדיו ועל בניו ועל בגדי בניו אתו וקדש הוא ובגדיו ובניו ובגדי בניו אתו׃

  9. שְׁמֹות כ״ט:כ״ב

    ולקחת מן האיל החלב והאליה ואת החלב המכסה את הקרב ואת יתרת הכבד ואת שתי הכלית ואת החלב אשר עליהן ואת שוק הימין כי איל מלאים הוא׃

  10. שְׁמֹות כ״ט:כ״ג

    וככר לחם אחת וחלת לחם שמן אחת ורקיק אחד מסל המצות אשר לפני יהוה׃

  11. שְׁמֹות כ״ט:כ״ד

    ושמת הכל על כפי אהרן ועל כפי בניו והנפת אתם תנופה לפני יהוה׃

  12. שְׁמֹות כ״ט:ל״א

    ואת איל המלאים תקח ובשלת את בשרו במקם קדש׃

  13. שְׁמֹות כ״ט:ל״ב

    ואכל אהרן ובניו את בשר האיל ואת הלחם אשר בסל פתח אהל מועד׃

  14. שְׁמֹות כ״ט:ל״ג

    ואכלו אתם אשר כפר בהם למלא את ידם לקדש אתם וזר לא יאכל כי קדש הם׃

  15. שְׁמֹות כ״ט:ל״ה

    ועשית לאהרן ולבניו ככה ככל אשר צויתי אתכה שבעת ימים תמלא ידם׃

  16. שְׁמֹות כ״ט:ל״ו

    ופר חטאת תעשה ליום על הכפרים וחטאת על המזבח בכפרך עליו ומשחת אתו לקדשו׃

  17. שְׁמֹות כ״ט:ל״ז

    שבעת ימים תכפר על המזבח וקדשת אתו והיה המזבח קדש קדשים כל הנגע במזבח יקדש׃

  18. שְׁמֹות כ״ט:מ״ד

    וקדשתי את אהל מועד ואת המזבח ואת אהרן ואת בניו אקדש לכהן לי׃

  19. שְׁמֹות ל׳:י״ח

    ועשית כיור נחשת וכנו נחשת לרחצה ונתת אתו בין אהל מועד ובין המזבח ונתת שמה מים׃

  20. שְׁמֹות ל׳:י״ט

    ורחצו אהרן ובניו ממנו את ידיהם ואת רגליהם׃

  21. שְׁמֹות ל׳:כ׳

    בבאם אל אהל מועד ירחצו מים ולא ימתו או בגשתם אל המזבח לשרת להקטיר אשה ליהוה׃

  22. שְׁמֹות ל׳:כ״א

    ורחצו ידיהם ורגליהם ולא ימתו והיתה להם חק עולם לו ולזרעו לדרתם׃

  23. שְׁמֹות ל׳:ל׳

    ואת אהרן ואת בניו תמשח וקדשת אתם לכהן לי׃

  24. שְׁמֹות ל״ט:כ״ז

    ויעשו את הכתנת שש מעשה ארג לאהרן ולבניו׃

  25. שְׁמֹות ל״ט:כ״ח

    ואת המצנפת שש ואת פארי המגבעת שש ואת מכנסי הבד שש משזר׃