פסוקים על Priests: Part of all sacrifices

14 פסוקים · 86 היבטים

פסוקים על Part of all sacrifices

וַיִּקְרָא ז׳:ו׳
כל זכר בכהנים יאכלנו במקום קדוש יאכל קדש קדשים הוא׃
וַיִּקְרָא ז׳:ז׳
כחטאת כאשם תורה אחת להם הכהן אשר יכפר בו לו יהיה׃
וַיִּקְרָא ז׳:ח׳
והכהן המקריב את עלת איש עור העלה אשר הקריב לכהן לו יהיה׃
וַיִּקְרָא ז׳:ט׳
וכל מנחה אשר תאפה בתנור וכל נעשה במרחשת ועל מחבת לכהן המקריב אתה לו תהיה׃
וַיִּקְרָא ז׳:י׳
וכל מנחה בלולה בשמן וחרבה לכל בני אהרן תהיה איש כאחיו׃
וַיִּקְרָא ז׳:ל״א
והקטיר הכהן את החלב המזבחה והיה החזה לאהרן ולבניו׃
וַיִּקְרָא ז׳:ל״ד
כי את חזה התנופה ואת שוק התרומה לקחתי מאת בני ישראל מזבחי שלמיהם ואתן אתם לאהרן הכהן ולבניו לחק עולם מאת בני ישראל׃
בְּמִדְבַּר ו׳:י״ט
ולקח הכהן את הזרע בשלה מן האיל וחלת מצה אחת מן הסל ורקיק מצה אחד ונתן על כפי הנזיר אחר התגלחו את נזרו׃
בְּמִדְבַּר ו׳:כ׳
והניף אותם הכהן תנופה לפני יהוה קדש הוא לכהן על חזה התנופה ועל שוק התרומה ואחר ישתה הנזיר יין׃
בְּמִדְבַּר י״ח:ח׳
וידבר יהוה אל אהרן ואני הנה נתתי לך את משמרת תרומתי לכל קדשי בני ישראל לך נתתים למשחה ולבניך לחק עולם׃
בְּמִדְבַּר י״ח:ט׳
זה יהיה לך מקדש הקדשים מן האש כל קרבנם לכל מנחתם ולכל חטאתם ולכל אשמם אשר ישיבו לי קדש קדשים לך הוא ולבניך׃
בְּמִדְבַּר י״ח:י׳
בקדש הקדשים תאכלנו כל זכר יאכל אתו קדש יהיה לך׃
בְּמִדְבַּר י״ח:י״א
וזה לך תרומת מתנם לכל תנופת בני ישראל לך נתתים ולבניך ולבנתיך אתך לחק עולם כל טהור בביתך יאכל אתו׃
דְּבָרִים י״ח:ג׳
וזה יהיה משפט הכהנים מאת העם מאת זבחי הזבח אם שור אם שה ונתן לכהן הזרע והלחיים והקבה׃