פסוקים על Priests

407 פסוקים · 86 היבטים

פסוקי מפתח

סינון לפי ספר
  1. שְׁמֹות ל״ט:מ״א

    את בגדי השרד לשרת בקדש את בגדי הקדש לאהרן הכהן ואת בגדי בניו לכהן׃

  2. שְׁמֹות מ׳:י״ג

    והלבשת את אהרן את בגדי הקדש ומשחת אתו וקדשת אתו וכהן לי׃

  3. שְׁמֹות מ׳:י״ד

    ואת בניו תקריב והלבשת אתם כתנת׃

  4. שְׁמֹות מ׳:ט״ו

    ומשחת אתם כאשר משחת את אביהם וכהנו לי והיתה להית להם משחתם לכהנת עולם לדרתם׃

  5. וַיִּקְרָא ו׳:י״ב

    והאש על המזבח תוקד בו לא תכבה ובער עליה הכהן עצים בבקר בבקר וערך עליה העלה והקטיר עליה חלבי השלמים׃

  6. וַיִּקְרָא ו׳:י״ג

    אש תמיד תוקד על המזבח לא תכבה׃

  7. וַיִּקְרָא ז׳:ו׳

    כל זכר בכהנים יאכלנו במקום קדוש יאכל קדש קדשים הוא׃

  8. וַיִּקְרָא ז׳:ז׳

    כחטאת כאשם תורה אחת להם הכהן אשר יכפר בו לו יהיה׃

  9. וַיִּקְרָא ז׳:ח׳

    והכהן המקריב את עלת איש עור העלה אשר הקריב לכהן לו יהיה׃

  10. וַיִּקְרָא ז׳:ט׳

    וכל מנחה אשר תאפה בתנור וכל נעשה במרחשת ועל מחבת לכהן המקריב אתה לו תהיה׃

  11. וַיִּקְרָא ז׳:י׳

    וכל מנחה בלולה בשמן וחרבה לכל בני אהרן תהיה איש כאחיו׃

  12. וַיִּקְרָא ז׳:ל״א

    והקטיר הכהן את החלב המזבחה והיה החזה לאהרן ולבניו׃

  13. וַיִּקְרָא ז׳:ל״ד

    כי את חזה התנופה ואת שוק התרומה לקחתי מאת בני ישראל מזבחי שלמיהם ואתן אתם לאהרן הכהן ולבניו לחק עולם מאת בני ישראל׃

  14. וַיִּקְרָא ח׳:ו׳

    ויקרב משה את אהרן ואת בניו וירחץ אתם במים׃

  15. וַיִּקְרָא ח׳:י״ג

    ויקרב משה את בני אהרן וילבשם כתנת ויחגר אתם אבנט ויחבש להם מגבעות כאשר צוה יהוה את משה׃

  16. וַיִּקְרָא ח׳:י״ד

    ויגש את פר החטאת ויסמך אהרן ובניו את ידיהם על ראש פר החטאת׃

  17. וַיִּקְרָא ח׳:ט״ו

    וישחט ויקח משה את הדם ויתן על קרנות המזבח סביב באצבעו ויחטא את המזבח ואת הדם יצק אל יסוד המזבח ויקדשהו לכפר עליו׃

  18. וַיִּקְרָא ח׳:ט״ז

    ויקח את כל החלב אשר על הקרב ואת יתרת הכבד ואת שתי הכלית ואת חלבהן ויקטר משה המזבחה׃

  19. וַיִּקְרָא ח׳:י״ז

    ואת הפר ואת ערו ואת בשרו ואת פרשו שרף באש מחוץ למחנה כאשר צוה יהוה את משה׃

  20. וַיִּקְרָא ח׳:י״ח

    ויקרב את איל העלה ויסמכו אהרן ובניו את ידיהם על ראש האיל׃

  21. וַיִּקְרָא ח׳:י״ט

    וישחט ויזרק משה את הדם על המזבח סביב׃

  22. וַיִּקְרָא ח׳:כ׳

    ואת האיל נתח לנתחיו ויקטר משה את הראש ואת הנתחים ואת הפדר׃

  23. וַיִּקְרָא ח׳:כ״א

    ואת הקרב ואת הכרעים רחץ במים ויקטר משה את כל האיל המזבחה עלה הוא לריח ניחח אשה הוא ליהוה כאשר צוה יהוה את משה׃

  24. וַיִּקְרָא ח׳:כ״ב

    ויקרב את האיל השני איל המלאים ויסמכו אהרן ובניו את ידיהם על ראש האיל׃

  25. וַיִּקְרָא ח׳:כ״ג

    וישחט ויקח משה מדמו ויתן על תנוך אזן אהרן הימנית ועל בהן ידו הימנית ועל בהן רגלו הימנית׃