פסוקים על Morning

ויקרא אלהים לאור יום ולחשך קרא לילה ויהי ערב ויהי בקר יום אחד׃

ויקרא אלהים לרקיע שמים ויהי ערב ויהי בקר יום שני׃

ויהי ערב ויהי בקר יום שלישי׃

ויהי ערב ויהי בקר יום רביעי׃

ויהי ערב ויהי בקר יום חמישי׃

וירא אלהים את כל אשר עשה והנה טוב מאד ויהי ערב ויהי בקר יום הששי׃

וישכם אברהם בבקר ויחבש את חמרו ויקח את שני נעריו אתו ואת יצחק בנו ויבקע עצי עלה ויקם וילך אל המקום אשר אמר לו האלהים׃

וישכימו בבקר וישבעו איש לאחיו וישלחם יצחק וילכו מאתו בשלום׃

וישכם יעקב בבקר ויקח את האבן אשר שם מראשתיו וישם אתה מצבה ויצק שמן על ראשה׃

וילקטו אתו בבקר בבקר איש כפי אכלו וחם השמש ונמס׃

וזה אשר תעשה על המזבח כבשים בני שנה שנים ליום תמיד׃

את הכבש האחד תעשה בבקר ואת הכבש השני תעשה בין הערבים׃

את הכבש אחד תעשה בבקר ואת הכבש השני תעשה בין הערבים׃

ועשירית האיפה סלת למנחה בלולה בשמן כתית רביעת ההין׃

עלת תמיד העשיה בהר סיני לריח ניחח אשה ליהוה׃

ונסכו רביעת ההין לכבש האחד בקדש הסך נסך שכר ליהוה׃

ויהי ביום השביעי וישכמו כעלות השחר ויסבו את העיר כמשפט הזה שבע פעמים רק ביום ההוא סבבו את העיר שבע פעמים׃

וישכימו אנשי העיר בבקר והנה נתץ מזבח הבעל והאשרה אשר עליו כרתה ואת הפר השני העלה על המזבח הבנוי׃

וכאור בקר יזרח שמש בקר לא עבות מנגה ממטר דשא מארץ׃

ויקחו את הפר אשר נתן להם ויעשו ויקראו בשם הבעל מהבקר ועד הצהרים לאמר הבעל עננו ואין קול ואין ענה ויפסחו על המזבח אשר עשה׃

ויקרא בו לפני הרחוב אשר לפני שער המים מן האור עד מחצית היום נגד האנשים והנשים והמבינים ואזני כל העם אל ספר התורה׃

יחשכו כוכבי נשפו יקו לאור ואין ואל יראה בעפעפי שחר׃

ברן יחד כוכבי בקר ויריעו כל בני אלהים׃

המימיך צוית בקר ידעתה שחר מקמו׃

עטישתיו תהל אור ועיניו כעפעפי שחר׃