פסוקים על Marriage: With feasting

ויאסף לבן את כל אנשי המקום ויעש משתה׃

וירד אביהו אל האשה ויעש שם שמשון משתה כי כן יעשו הבחורים׃

דומה מלכות השמים למלך בשר ודם אשר עשה חתנה לבנו׃

וישלח את עבדיו לקרא הקרואים אל החתנה ולא אבו לבוא׃

¶ וביום השלישי היתה חתנה בקנה אשר בגליל ואם ישוע היתה שם׃

וישוע ותלמידיו היו גם הם קרואים אל החתנה׃

ויחסר היין ותאמר אם ישוע אליו יין אין להם׃

ויאמר אליה ישוע מה לי ולך אשה עתי עדין לא באה׃

ותאמר אמו אל המשרתים ככל אשר יאמר לכם תעשו׃

והנה ששה כדי אבן ערוכים שם כמשפט היהודים לטהרתם שתים או שלש בתים יכיל כל אחד׃

ויאמר אליהם ישוע מלאו לכם הכדים מים וימלאום עד למעלה׃

ויאמר שאבו נא והביאו אל רב המסבה ויביאו׃

ויטעם רב המסבה את המים אשר נהפכו ליין ולא ידע מאין הוא ואולם המשרתים אשר שאבו את המים ידעו ויקרא רב המסבה אל החתן׃

ויאמר אליו כל איש יתן בראשונה את היין הטוב וכאשר ישכרו יתן להם את הגרוע ואתה צפנת היין הטוב עד עתה׃