פסוקים על Kirjath-Jearim

63 פסוקים · 7 היבטים

פסוקי מפתח

סינון לפי ספר
  1. יְהוֹשֻעַ ט׳:ג׳

    וישבי גבעון שמעו את אשר עשה יהושע ליריחו ולעי׃

  2. יְהוֹשֻעַ ט׳:ד׳

    ויעשו גם המה בערמה וילכו ויצטירו ויקחו שקים בלים לחמוריהם ונאדות יין בלים ומבקעים ומצררים׃

  3. יְהוֹשֻעַ ט׳:ה׳

    ונעלות בלות ומטלאות ברגליהם ושלמות בלות עליהם וכל לחם צידם יבש היה נקדים׃

  4. יְהוֹשֻעַ ט׳:ו׳

    וילכו אל יהושע אל המחנה הגלגל ויאמרו אליו ואל איש ישראל מארץ רחוקה באנו ועתה כרתו לנו ברית׃

  5. יְהוֹשֻעַ ט׳:ז׳

    ויאמרו איש ישראל אל החוי אולי בקרבי אתה יושב ואיך אכרות לך ברית׃

  6. יְהוֹשֻעַ ט׳:ח׳

    ויאמרו אל יהושע עבדיך אנחנו ויאמר אלהם יהושע מי אתם ומאין תבאו׃

  7. יְהוֹשֻעַ ט׳:ט׳

    ויאמרו אליו מארץ רחוקה מאד באו עבדיך לשם יהוה אלהיך כי שמענו שמעו ואת כל אשר עשה במצרים׃

  8. יְהוֹשֻעַ ט׳:י׳

    ואת כל אשר עשה לשני מלכי האמרי אשר בעבר הירדן לסיחון מלך חשבון ולעוג מלך הבשן אשר בעשתרות׃

  9. יְהוֹשֻעַ ט׳:י״א

    ויאמרו אלינו זקינינו וכל ישבי ארצנו לאמר קחו בידכם צידה לדרך ולכו לקראתם ואמרתם אליהם עבדיכם אנחנו ועתה כרתו לנו ברית׃

  10. יְהוֹשֻעַ ט׳:י״ב

    זה לחמנו חם הצטידנו אתו מבתינו ביום צאתנו ללכת אליכם ועתה הנה יבש והיה נקדים׃

  11. יְהוֹשֻעַ ט׳:י״ג

    ואלה נאדות היין אשר מלאנו חדשים והנה התבקעו ואלה שלמותינו ונעלינו בלו מרב הדרך מאד׃

  12. יְהוֹשֻעַ ט׳:י״ד

    ויקחו האנשים מצידם ואת פי יהוה לא שאלו׃

  13. יְהוֹשֻעַ ט׳:ט״ו

    ויעש להם יהושע שלום ויכרת להם ברית לחיותם וישבעו להם נשיאי העדה׃

  14. יְהוֹשֻעַ ט׳:ט״ז

    ויהי מקצה שלשת ימים אחרי אשר כרתו להם ברית וישמעו כי קרבים הם אליו ובקרבו הם ישבים׃

  15. יְהוֹשֻעַ ט׳:י״ז

    ויסעו בני ישראל ויבאו אל עריהם ביום השלישי ועריהם גבעון והכפירה ובארות וקרית יערים׃

  16. יְהוֹשֻעַ ט׳:י״ח

    ולא הכום בני ישראל כי נשבעו להם נשיאי העדה ביהוה אלהי ישראל וילנו כל העדה על הנשיאים׃

  17. יְהוֹשֻעַ ט׳:י״ט

    ויאמרו כל הנשיאים אל כל העדה אנחנו נשבענו להם ביהוה אלהי ישראל ועתה לא נוכל לנגע בהם׃

  18. יְהוֹשֻעַ ט׳:כ׳

    זאת נעשה להם והחיה אותם ולא יהיה עלינו קצף על השבועה אשר נשבענו להם׃

  19. יְהוֹשֻעַ ט׳:כ״א

    ויאמרו אליהם הנשיאים יחיו ויהיו חטבי עצים ושאבי מים לכל העדה כאשר דברו להם הנשיאים׃

  20. יְהוֹשֻעַ ט׳:כ״ב

    ויקרא להם יהושע וידבר אליהם לאמר למה רמיתם אתנו לאמר רחוקים אנחנו מכם מאד ואתם בקרבנו ישבים׃

  21. יְהוֹשֻעַ ט׳:כ״ג

    ועתה ארורים אתם ולא יכרת מכם עבד וחטבי עצים ושאבי מים לבית אלהי׃

  22. יְהוֹשֻעַ ט׳:כ״ד

    ויענו את יהושע ויאמרו כי הגד הגד לעבדיך את אשר צוה יהוה אלהיך את משה עבדו לתת לכם את כל הארץ ולהשמיד את כל ישבי הארץ מפניכם ונירא מאד לנפשתינו מפניכם ונעשה את הדבר הזה׃

  23. יְהוֹשֻעַ ט׳:כ״ה

    ועתה הננו בידך כטוב וכישר בעיניך לעשות לנו עשה׃

  24. יְהוֹשֻעַ ט׳:כ״ו

    ויעש להם כן ויצל אותם מיד בני ישראל ולא הרגום׃

  25. יְהוֹשֻעַ ט׳:כ״ז

    ויתנם יהושע ביום ההוא חטבי עצים ושאבי מים לעדה ולמזבח יהוה עד היום הזה אל המקום אשר יבחר׃