פסוקים על Jerusalem

271 פסוקים · 117 היבטים

פסוקי מפתח

סינון לפי ספר
  1. יִרְמְיָהוּ ה׳:ד׳

    ואני אמרתי אך דלים הם נואלו כי לא ידעו דרך יהוה משפט אלהיהם׃

  2. יִרְמְיָהוּ ה׳:ה׳

    אלכה לי אל הגדלים ואדברה אותם כי המה ידעו דרך יהוה משפט אלהיהם אך המה יחדו שברו על נתקו מוסרות׃

  3. יִרְמְיָהוּ י״ז:י״ט

    כה אמר יהוה אלי הלך ועמדת בשער בני עם אשר יבאו בו מלכי יהודה ואשר יצאו בו ובכל שערי ירושלם׃

  4. יִרְמְיָהוּ י״ז:כ׳

    ואמרת אליהם שמעו דבר יהוה מלכי יהודה וכל יהודה וכל ישבי ירושלם הבאים בשערים האלה׃

  5. יִרְמְיָהוּ י״ז:כ״א

    כה אמר יהוה השמרו בנפשותיכם ואל תשאו משא ביום השבת והבאתם בשערי ירושלם׃

  6. יִרְמְיָהוּ ל״ט:א׳

    ¶ בשנה התשעית לצדקיהו מלך יהודה בחדש העשרי בא נבוכדראצר מלך בבל וכל חילו אל ירושלם ויצרו עליה׃

  7. יִרְמְיָהוּ ל״ט:ב׳

    בעשתי עשרה שנה לצדקיהו בחדש הרביעי בתשעה לחדש הבקעה העיר׃

  8. יִרְמְיָהוּ ל״ט:ג׳

    ויבאו כל שרי מלך בבל וישבו בשער התוך נרגל שר אצר סמגר נבו שר סכים רב סריס נרגל שר אצר רב מג וכל שארית שרי מלך בבל׃

  9. יִרְמְיָהוּ ל״ט:ד׳

    ויהי כאשר ראם צדקיהו מלך יהודה וכל אנשי המלחמה ויברחו ויצאו לילה מן העיר דרך גן המלך בשער בין החמתים ויצא דרך הערבה׃

  10. יִרְמְיָהוּ ל״ט:ה׳

    וירדפו חיל כשדים אחריהם וישגו את צדקיהו בערבות ירחו ויקחו אתו ויעלהו אל נבוכדראצר מלך בבל רבלתה בארץ חמת וידבר אתו משפטים׃

  11. יִרְמְיָהוּ ל״ט:ו׳

    וישחט מלך בבל את בני צדקיהו ברבלה לעיניו ואת כל חרי יהודה שחט מלך בבל׃

  12. יִרְמְיָהוּ ל״ט:ז׳

    ואת עיני צדקיהו עור ויאסרהו בנחשתים לביא אתו בבלה׃

  13. יִרְמְיָהוּ ל״ט:ח׳

    ואת בית המלך ואת בית העם שרפו הכשדים באש ואת חמות ירושלם נתצו׃

  14. יְחֶזְקֵאל ה׳:ה׳

    כה אמר אדני יהוה זאת ירושלם בתוך הגוים שמתיה וסביבותיה ארצות׃

  15. יְחֶזְקֵאל ה׳:ו׳

    ותמר את משפטי לרשעה מן הגוים ואת חקותי מן הארצות אשר סביבותיה כי במשפטי מאסו וחקותי לא הלכו בהם׃

  16. יְחֶזְקֵאל ה׳:ז׳

    לכן כה אמר אדני יהוה יען המנכם מן הגוים אשר סביבותיכם בחקותי לא הלכתם ואת משפטי לא עשיתם וכמשפטי הגוים אשר סביבותיכם לא עשיתם׃

  17. יְחֶזְקֵאל ה׳:ח׳

    לכן כה אמר אדני יהוה הנני עליך גם אני ועשיתי בתוכך משפטים לעיני הגוים׃

  18. יְחֶזְקֵאל ח׳:ז׳

    ויבא אתי אל פתח החצר ואראה והנה חר אחד בקיר׃

  19. יְחֶזְקֵאל ח׳:ח׳

    ויאמר אלי בן אדם חתר נא בקיר ואחתר בקיר והנה פתח אחד׃

  20. יְחֶזְקֵאל ח׳:ט׳

    ויאמר אלי בא וראה את התועבות הרעות אשר הם עשים פה׃

  21. יְחֶזְקֵאל ח׳:י׳

    ואבוא ואראה והנה כל תבנית רמש ובהמה שקץ וכל גלולי בית ישראל מחקה על הקיר סביב סביב׃

  22. יְחֶזְקֵאל מ״ח:ל״א

    ושערי העיר על שמות שבטי ישראל שערים שלושה צפונה שער ראובן אחד שער יהודה אחד שער לוי אחד׃

  23. יְחֶזְקֵאל מ״ח:ל״ב

    ואל פאת קדימה חמש מאות וארבעת אלפים ושערים שלשה ושער יוסף אחד שער בנימן אחד שער דן אחד׃

  24. יְחֶזְקֵאל מ״ח:ל״ג

    ופאת נגבה חמש מאות וארבעת אלפים מדה ושערים שלשה שער שמעון אחד שער יששכר אחד שער זבולן אחד׃

  25. יְחֶזְקֵאל מ״ח:ל״ד

    פאת ימה חמש מאות וארבעת אלפים שעריהם שלשה שער גד אחד שער אשר אחד שער נפתלי אחד׃