פסוקים על Ish-Bosheth

21 פסוקים · 6 היבטים

פסוקי מפתח

2 שְׁמוּאֵל ב׳:ח׳
ואבנר בן נר שר צבא אשר לשאול לקח את איש בשת בן שאול ויעברהו מחנים׃
2 שְׁמוּאֵל ב׳:ט׳
וימלכהו אל הגלעד ואל האשורי ואל יזרעאל ועל אפרים ועל בנימן ועל ישראל כלה׃
2 שְׁמוּאֵל ב׳:י׳
בן ארבעים שנה איש בשת בן שאול במלכו על ישראל ושתים שנים מלך אך בית יהודה היו אחרי דוד׃
2 שְׁמוּאֵל ג׳:ו׳
ויהי בהיות המלחמה בין בית שאול ובין בית דוד ואבנר היה מתחזק בבית שאול׃
2 שְׁמוּאֵל ג׳:ז׳
ולשאול פלגש ושמה רצפה בת איה ויאמר אל אבנר מדוע באתה אל פילגש אבי׃
2 שְׁמוּאֵל ג׳:ח׳
ויחר לאבנר מאד על דברי איש בשת ויאמר הראש כלב אנכי אשר ליהודה היום אעשה חסד עם בית שאול אביך אל אחיו ואל מרעהו ולא המציתך ביד דוד ותפקד עלי עון האשה היום׃
2 שְׁמוּאֵל ג׳:ט׳
כה יעשה אלהים לאבנר וכה יסיף לו כי כאשר נשבע יהוה לדוד כי כן אעשה לו׃
2 שְׁמוּאֵל ג׳:י׳
להעביר הממלכה מבית שאול ולהקים את כסא דוד על ישראל ועל יהודה מדן ועד באר שבע׃
2 שְׁמוּאֵל ג׳:י״א
ולא יכל עוד להשיב את אבנר דבר מיראתו אתו׃
2 שְׁמוּאֵל ג׳:י״ב
וישלח אבנר מלאכים אל דוד תחתו לאמר למי ארץ לאמר כרתה בריתך אתי והנה ידי עמך להסב אליך את כל ישראל׃
2 שְׁמוּאֵל ג׳:י״ד
וישלח דוד מלאכים אל איש בשת בן שאול לאמר תנה את אשתי את מיכל אשר ארשתי לי במאה ערלות פלשתים׃
2 שְׁמוּאֵל ג׳:ט״ו
וישלח איש בשת ויקחה מעם איש מעם פלטיאל בן לוש׃
2 שְׁמוּאֵל ג׳:ט״ז
וילך אתה אישה הלוך ובכה אחריה עד בחרים ויאמר אליו אבנר לך שוב וישב׃
2 שְׁמוּאֵל ד׳:ה׳
וילכו בני רמון הבארתי רכב ובענה ויבאו כחם היום אל בית איש בשת והוא שכב את משכב הצהרים׃
2 שְׁמוּאֵל ד׳:ו׳
והנה באו עד תוך הבית לקחי חטים ויכהו אל החמש ורכב ובענה אחיו נמלטו׃
2 שְׁמוּאֵל ד׳:ז׳
ויבאו הבית והוא שכב על מטתו בחדר משכבו ויכהו וימתהו ויסירו את ראשו ויקחו את ראשו וילכו דרך הערבה כל הלילה׃
2 שְׁמוּאֵל ד׳:ח׳
ויבאו את ראש איש בשת אל דוד חברון ויאמרו אל המלך הנה ראש איש בשת בן שאול איבך אשר בקש את נפשך ויתן יהוה לאדני המלך נקמות היום הזה משאול ומזרעו׃
2 שְׁמוּאֵל ד׳:ט׳
ויען דוד את רכב ואת בענה אחיו בני רמון הבארתי ויאמר להם חי יהוה אשר פדה את נפשי מכל צרה׃
2 שְׁמוּאֵל ד׳:י׳
כי המגיד לי לאמר הנה מת שאול והוא היה כמבשר בעיניו ואחזה בו ואהרגהו בצקלג אשר לתתי לו בשרה׃
2 שְׁמוּאֵל ד׳:י״א
אף כי אנשים רשעים הרגו את איש צדיק בביתו על משכבו ועתה הלוא אבקש את דמו מידכם ובערתי אתכם מן הארץ׃
2 שְׁמוּאֵל ד׳:י״ב
ויצו דוד את הנערים ויהרגום ויקצצו את ידיהם ואת רגליהם ויתלו על הברכה בחברון ואת ראש איש בשת לקחו ויקברו בקבר אבנר בחברון׃