פסוקים על Hushai

10 פסוקים · 1 היבט

פסוקי מפתח

  1. 2 שְׁמוּאֵל ט״ו:ל״ב

    ויהי דוד בא עד הראש אשר ישתחוה שם לאלהים והנה לקראתו חושי הארכי קרוע כתנתו ואדמה על ראשו׃

  2. 2 שְׁמוּאֵל ט״ו:ל״ג

    ויאמר לו דוד אם עברת אתי והית עלי למשא׃

  3. 2 שְׁמוּאֵל ט״ו:ל״ד

    ואם העיר תשוב ואמרת לאבשלום עבדך אני המלך אהיה עבד אביך ואני מאז ועתה ואני עבדך והפרתה לי את עצת אחיתפל׃

  4. 2 שְׁמוּאֵל ט״ו:ל״ה

    והלוא עמך שם צדוק ואביתר הכהנים והיה כל הדבר אשר תשמע מבית המלך תגיד לצדוק ולאביתר הכהנים׃

  5. 2 שְׁמוּאֵל ט״ו:ל״ו

    הנה שם עמם שני בניהם אחימעץ לצדוק ויהונתן לאביתר ושלחתם בידם אלי כל דבר אשר תשמעו׃

  6. 2 שְׁמוּאֵל ט״ו:ל״ז

    ויבא חושי רעה דוד העיר ואבשלם יבא ירושלם׃

  7. 2 שְׁמוּאֵל ט״ז:ט״ז

    ויהי כאשר בא חושי הארכי רעה דוד אל אבשלום ויאמר חושי אל אבשלם יחי המלך יחי המלך׃

  8. 2 שְׁמוּאֵל ט״ז:י״ז

    ויאמר אבשלום אל חושי זה חסדך את רעך למה לא הלכת את רעך׃

  9. 2 שְׁמוּאֵל ט״ז:י״ח

    ויאמר חושי אל אבשלם לא כי אשר בחר יהוה והעם הזה וכל איש ישראל לא אהיה ואתו אשב׃

  10. 2 שְׁמוּאֵל ט״ז:י״ט

    והשנית למי אני אעבד הלוא לפני בנו כאשר עבדתי לפני אביך כן אהיה לפניך׃